Colombo Today Local News

එජාප සහ ශ්‍රීලනිප දූෂණ වංචා “රටම ගඳ ගස්සනවා” – විපක්ෂ නායක සම්බන්ධන්

මාරුවෙන් මාරුවට රට පාලනය කරමින් දූෂණ වංචා සිදු කර “රටම ගඳ ගස්සන” බවට විපක්ෂ නායකයා එක්සත් ජාතික පක්ෂය සහ ශ්‍රී ලංකා නිදහස් පක්ෂය පාර්ලිමේන්තුවේදී දැඩි දෝෂ දර්ශනයට ලක් කළේය.

හිටපු මහ බැංකු අධිපති අර්ජුන් මහේන්ද්‍රන් සමයේ මහ බැංකුවේ බැඳුම්කර නිකුතුවේදී සිදු වූ වංචාව සම්බන්ධයෙන් කෝප් කමිටුව විසින් සිදුකළ පරීක්ෂණයේ වාර්තාව පිළිබඳ ආරම්භක දින විවාදයට සහභාගිවෙමින් දෙමළ ජාතික සන්ධානයේ නායකයා කියා සිටියේ දූෂණය ශ්‍රී ලංකාවේ “ආවේනික අංගයක්” වී ඇති බවයි.

රටේ ප්‍රධාන පක්ෂ දෙකම විරුද්ධ පක්ෂයේ සිටියදී අනිකාට එරෙහිව චෝදනා නැගුවත් බලයට ආ පසු කිසිවකුත් අධිකරණය හමුවට පමුණුවා දඬුවම් දී නැති බව විපක්ෂ නායක ආර් සම්බන්ධන් පාර්ලිමේන්තුව හමුවේ පෙන්නා දුන්නේය.

ඔහුගේ බරපතල චෝදනාව වූයේ දූෂිත දේශපාලකයන් රැකීමට දෙපක්ෂයම හවුලේ කටයුතු කරන බවයි.

“ශ්‍රී ලංකා නිදහස් පක්ෂයත් එක්සත් ජාතික පක්ෂයත් දුෂණය සම්බන්ධයෙන් අතිනත ගෙන කටයුතු කරන,” බවයි සම්බන්ධන් මන්ත්‍රීවරයා කියා සිටියේ.

පසුගිය රජයේ දුෂණ වංචා ගැන කතා කළත් ආණ්ඩුව බලයට පත්වී වසර දෙකක් ගතවීත් කිසිවකුටත් නඩු පවරා හෝ නැත්තේ හවුලේ කටයුතු කරන නිසාදැයි ඔහු සම්මුතියෙන් පාලනය කරන ආණ්ඩුවෙන් විමසා සිටියේ දැඩි කලකිරීම් සහගත ස්වභාවයෙනි.

“ඔබ ඔවුන් ආරක්ෂා කරනවාද, එහෙම නැත්නම් ප්‍රමාණවත් සාක්ෂි නැද්ද?” යි විමසූ ඔහු ජනතාව මුලා කරන බවට ආණ්ඩුවේ පක්ෂ දෙකටම චෝදනා කළේය.

පසුගිය ආණ්ඩු පාලන සමයේ සිට පක්ෂ දේශපාලනයේ නියැලීම ඇතුළු දූෂණ වංචා වලට සම්බන්ධ වීම නිසා මහ බැංකුව සිය කීර්ති නාමයට හානි පමුණුවාගෙන ඇති බව කී විපක්ෂ නායක ආර් සම්බන්ධන් යෝජනා කොට සිටියේ ස්වාධීන සහ අපක්ෂපාතී පරීක්ෂණ කොමිසමක් පත් කොට “වරදකරු කවුරුන් වුවත්” නඩු පවරා දඬුවම් කළ යුතු බවටයි.

Radiogagana

Related posts

අද සහ හෙට විදුලි කප්පාදුවකට මහජන උපයෝගිතා කොමිසමෙන් අවසර

colombotoday

ලංකාවේ නෑ කියූ රොහින්ග්‍යා සංක්‍රමණිකයන් පිරිසක් ගල්කිස්සෙන් මතුවෙයි (Video)

colombotoday

ආපදා මරණ 20 දක්වා ඉහළට… පනස්දාහක් අවතැන් කඳවුරුවල…

colombotoday

ගැසට් නිවේදනය මහින්දගේ නමින් ප්‍රකාශයට පත් කළේ මහ බැංකුවේ උපදෙස් මතයි – මුද්‍රණාලයාධීපති

colombotoday

මහින්ද රාජපක්ෂගේ ප්‍රථම ආදරය ගැන බැසිල් රාජපක්ෂ කියයි

colombotoday

මියගිය ව්‍යාපාරිකයෙකුගේ සොහොනට පොලිස් ආරක්ෂාව | බිරිඳ සහ සේවකයා අත්අඩංගුවේ

colombotoday