සෞඛ්‍ය පෝෂණ හා දේශීය වෛද්‍ය අමාත්‍ය රාජිත සේනාරත්න මහතා සියළුම කැබිනට් අමාත්‍යවරුන් සහ පළාත් ප්‍රධාන අමාත්‍යවරුන් වෙත ලිපියක් යොමුකොට තිබේ.
මේ වසරේ ගතවූ දින කිහිපය තුළ ඩෙංගු රෝගීන් විශාල ප්‍රමාණයක් වාර්තා වීම හේතුවෙන් දිවයිනේ සියලු රාජ්‍ය ආයතන ලබන 24 වනදින පරීක්ෂා කිරීමේ වැඩපිළිවෙලක් වහාම ක්‍රියාත්මක කිරීමට පියවර ගන්නැයි එම ලිපියෙන් ඉල්ලා තිබේ.
ඒ අනුව එම ආයතන පිරිසුදුව තබාගැනීම එම ආයතන විසින්ම සිදු කළ යුතු අතර ලබන 25, 26 සහ ,27 යන දිනයන්හි ප්‍රාදේශීය සෞඛ්‍ය වෛද්‍ය නිලධාරීන් විසින් අදාළ ආයතන පරීක්ෂා කිරීම සිදුකරනු ලැබේ.
විශේෂයෙන් මේ වසරේ ගතවූ දින 17ක කාලය තුළ ඩෙංගු ආසාදිත පුද්ගලයන් 1311වාර්තා වී ඇත.