Colombo Today Local News

සුපිරි කැසිනෝවත් අරන් ජේම්ස් පැකර් නැවත එයි!


ලෝකයේ අංක එකේ කැසිනෝ ව්‍යාපාරිකයා වන ක්‍රවුන් කැසිනෝ සමාගම් සමූහයේ ප්‍රධානියා වන ජෙම්ස් පැකර් ඩොලර් මිලියන457ක වටිනාකමකින් යුතු සුපිරි පහසුකම්වලින් සමන්විත ක්‍රවුන් හෝටලයේ ආයෝජනය සමඟ නැවතත් මෙරටට පැමිණීම සඳහා එකඟතාව පළ කර ඇති බව විශ්වාසවන්ත ආරංචි මාර්ග සඳහන් කරයි.

මීට පෙර අවස්ථා කිහිපයක දී ජෙම්ස් පැකර් අදාළ ව්‍යාපෘතිය සමඟ මෙරට ආයෝජනය සඳහා පැමිණීමට සූදානම්ව සිටියත් රට තුළ මතු වූ විරෝධතා හේතුවෙන් ඔහුට එම අවස්ථාව අහිමි විය.

වාර්තා වන ආකාරයට ආණ්ඩුවේ ප්‍රබලයන් කිහිප දෙනකු සමඟ සිදු කළ සාකච්ඡාවකින් අනතුරුව ඇති කරගත් එකඟතාව මත නැවත මෙරට ආයෝජන කිරීම සඳහා පැකර් සිය කැමැත්ත ප්‍රකාශ කර ඇති අතර මීට පෙර අත්හැර දැමුණු මිශ්‍ර ආයෝජන ව්‍යාපෘතිය අනුමත කර ගැනීමට අවශ්‍ය නෛතික ප්‍රතිපාදන සකස් කෙරෙන තෙක් දැනට දේශීය පවතින කැසිනෝ බලපත්‍ර උපයෝගී කරගෙන ව්‍යාපෘතිය ආරම්භ කිරීමට නියමිතව ඇත.

ඒ අනුව මීට පෙර අදාළ ආයෝජනය සඳහා වෙන් කරගෙන තිබූ ඩී.ආර්. විජයවර්ධන මාවතේ පර්චස්500 බිම් කොටස තුළ මහල් 36 කින් සමන්විත ‘කොළඹ ක්‍රවුන්’ නම් අතිසුඛෝපභෝගී හෝටලය ආයෝජන මණ්ඩලය යටතේ සිදු කරන ව්‍යාපෘතියක් ලෙස ආරම්භ කිරීමට නියමිතව ඇති අතර පැකර්ගේ මෙවර ආගමනය සඳහා ද දේශීය ව්‍යාපාරික සහකරු වශයෙන් රෑන්ක් හෝල්ඩිංගස් සමූහයේ අධිපති කෝටිපති ව්‍යාපාරික රවී විජේරත්න  කටයුතු කරන බව එම ආරංචි මාර්ග වැඩිදුරටත් සඳහන් කරයි.

Related posts

“ගිය ආණ්ඩුවෙන් ගත්ත ණය ගෙවන්න මේ ආණ්ඩුව ණය ගන්නවා කියන්නේ පට්ටපල් බොරුවක්” – හිටපු ජනපති

colombotoday

මහින්දට දෙන්න ගිය පීකොක් මන්දිරය හැදුව හැටි අහන්න ඒඑස්පී ලියනගේ අල්ලස් කොමිසමට කැදවයි

colombotoday

මරාගෙන මැරෙන්න පන්සලකට යන්න හිටියා… සහරාන්ගේ දෙවන ප්‍රහාර මාළාව ගැන බිරිය හෙලිකරයි…

colombotoday

ජනාධිපතිවරණය මෙම වසේරේ පැවැත්වෙනවාදැයි ස්ථිර නෑ

colombotoday

සුබ පැතීමේ දැන්වීම් සියල්ලම ඉවත් කිරීමට ජනපතිගෙන් නියෝග

colombotoday

රනිල් සජිත් එක්වන ලකුණු

Admin