Colombo Today Local News

චන්ද්‍රිකාගේ සංහිදියා බලකායේ වාර්තාව රජයට.. විදෙස් විනිසුරුවන් ගෙන්වන්න නිර්දේශ කෙරේ

යුද්ධයේ අවසාන භාගයේදී සිදු වූ බව පැවසෙන යුද අපරාධ චෝදනා ඇතුළු බරපතල මානව හිමිකම් උල්ලංඝනයන් පරීක්ෂා කෙරෙන අධිකරණ යාන්ත්‍රණයට එක් විදේශීය විනිසුරුවකු හෝ සම්බන්ධ විය යුතු බවට සංහිඳියාව උදෙසා වන ප්‍රවිචාරණ කාර්ය සාධක බලකාය නිර්දේශ කරයි.

එම නිර්දේශය ඇතුලත් වෙන්නේ අඟහරුවාදා විදේශ අමාත්‍ය මංගල සමරවීර වෙත භාර දෙනු ලැබූ කාර්ය සාධක බලකායේ නිරීක්ෂණ සහ නිර්දේශ ඇතුලත් පූර්ණ වාර්තාවේයි.

එක්සත් ජාතීන්ගේ මානව හිමිකම් මණ්ඩලයේ සම්මත වූ යෝජනාව ප්‍රකාර පිහිටවෙන යාන්ත්‍රණයේ සෑම නඩු වාරයකදීම දේශීය විනිසුරුවන් බහුතරයක් සමග ‘අවම වශයෙන් එක් ජාත්‍යන්තර විනිශ්චයකාරවරයෙක් සිටිනා බවට සහතික කළ යුතු’ බව වාර්තාවේ එක් ප්‍රධාන නිර්දේශයකි.

විශේෂ උපදේශක කාර්යාලයේ කාර්ය මණ්ඩලයටත් ජාත්‍යන්තර විශේෂඥයන් සම්බන්ධ විය යුතු බවත් ප්‍රවිචාරණ කාර්ය සාධක බලකාය යෝජනා කරයි.

“යුධ පරාධ හා මනුෂ්ඨාවයට එරෙහි අපරාධ වැනි ජාත්‍යන්තර අපරාධ මෙන්ම වධ බන්ධනයට ලක් කිරීම, අතුරුදහන් කරවීම හා දූෂණය කිරීම් වැනි බරපතල මානව හිමිකම් අපහරණය යනාදියට සමාව දීම නීති විරෝධී වන අතර පිළිගත නොහැකිද වේ,” යනුවෙන්ද නිර්දේශවලට ඇතුලත්වේ.

හිටපු ජනාධිපතිනි චන්ද්‍රිකා කුමාරතුංගගේ ප්‍රධානත්වයෙන් යුතු මෙම කාර්ය සාධක බලකායේ ලේකම්වරයා ලෙස පාක්‍යසෝති සරවණමුත්තු කටයුතු කළ අතර, ආචාර්ය මනෝරි මුත්තෙට්ටුවේගම එහි සභාපතීත්වය දැරීය. ගාමිනී වියන්ගොඩ, විසාක ධර්මදාස, ශාන්ත අභිමානසිංහම්, මහාචාර්ය සිත්‍රලේගා, කේ.ඩබ්ලිව් ජනරංජන, යාපන විශ්වවිද්‍යාලයේ මහාචාර්ය දය සෝමසුන්දරම්, ෆර්ස්නා හනීෆා, මහාචාර්ය ගමීලා සමරසිංහ, මරික් රහීම් එහි සාමාජිකයන් ලෙස කටයුතු කළේය.

Related posts

මෙරටට ගෙන්වා ඇති ෆයිසර් එන්නත්වල කල් ඉකුත්වීම කල් දමයි

colombotoday

ජනපතින් නිහඩයි… අගමැතිත් ආගිය අතක් නෑ… විජයකලාගේ කොටි නැගිටවීම ආණ්ඩුවේ ස්ථාවරයද?

colombotoday

බස්නාහිර පළාතේ පැය 24ක් තුළ සිදු කල විශේෂ මෙහෙයුම

colombotoday

අනුරාධපුර පුජා නගරයේ දි ගංජා අලෙවි කරමින් සිටි හිච්චා අත්අඩංගුවට.

colombotoday

ඉන්දියාවෙන් ශ්‍රී ලංකාවට දුම්රිය මැදිරි 20ක්

colombotoday

නියෝජ්‍ය, රාජ්‍ය ඇමති සංශෝධනයක් අත ලඟ – හර්ෂගේ ඇමතිකම අනෝමාට

colombotoday