දුම්වැටි භාවිතා කරන පුද්ගලයින් කොවිඩ් මරණවලට ගොදුරුවීමේ වැඩි ප්‍රවණතාවක් ඇති බව සෞඛ්‍ය අංශ අනාවරණය කරයි.
කොළඹ රිජ්වේ ආර්යා ළමා රෝහලේ ළමා රෝග පිළිබඳ විශේෂඥ වෛද්‍ය දීපාල් පෙරේරා මහතා පැවසුවේ දුම් පානය හේතුවෙන් පෙනහලුවල ක්‍රියාකාරීත්වය දුර්වලවන බවයි.
සිගරට්, සුරුට්ටු හෝ වෙනත් ඕනෑම දුම්වැටි භාවිතා කරන පුද්ගලයින්ගේ පෙනහලුවල ක්‍රියාකාරිත්වය දුර්වල වන බව වෛද්‍යවරයා පෙන්වා දෙයි.
කොවිඩ් වැළඳීමෙන් එවැනි අයට කොවිඩ් නිව්මෝනියා තත්ත්වය ඉතාම ඉක්මනින් ළඟා විය හැකි බව වෛද්‍යවරයා සදහන් කරයි.
“මෙහි ඇති බරපතලම තත්ත්වය තමයි දුම්පානය කරන පුද්ගලයින් ළග ඉන්න දරුවන්ට ද මේ ආකාරයටම සිගරට්වල විෂ දුම ශරීර ගගත වෙන්න පුළුවන්, ඒ විදිහට විෂ දුම ශරීර ගත වන දරුවන්ට කොවිඩ් වැළදුනොත් ඔවුන්ගේ ශරීරයේ බරපතල සංකූලතා මතුවෙලා මරණය පවා සිදු වෙන්න පුළුවන්.”