Colombo Today Local News

මඩ ප්‍රහාරවලට මේජර් ජෙනරාල් කමල් ගුණරත්නගෙන් පිළිතුරු

kamal232තමා සම්බන්ධයෙන් ඇතැම් වෙබ් මාධ්‍ය වල ප්‍රචාරය කරණ ප්‍රවෘත්ති අසත්‍ය හා පදනම් විරහිත යයි විශ්‍රාමික මේජර් ජෙනරාල් කමල් ගුණරත්න පවසයි.

මේජර් ජෙනරාල්වරයා විසින් කොළඹ ප්‍රධාන පෙලේ පිරිමි පාසලක අ.පො.ස.සාමාන්‍ය පෙළ විභාගයට පෙනී සිටින ශිෂ්‍යයකුට තර්ජනය කර පහර දුන් බවට ඇතැම් වෙබ් අඩවි වල පුවත් පලවී තිබිණි.

මෙම ප්‍රවෘත්තිය පිළිබඳව ඔහුගෙන් විමසා සිටියදී ඉහත පිළිතුර දුන් හෙතෙම මෙසේ ද කිය, “මම කිසිදිනක දරුවකුට පහර දී නැහැ, මම යුධ හමුදාවේ සිටියදී සොල්දාදුවෙකුට හෝ පහර දී නැහැ, මට ලැබී තිබෙන තොරතුරු නිවරද නම් ඔය කියන දිනයේ මම විදේශගතව යි සිටියේ .”

“මගේ නැණන්ඩියගේ පුතා මෙවර සාමාන්‍ය පෙළට ඔය කියන පාසලෙන් පෙනී සිටිනවා. ඔහුට පාසලේ තවත් ළමුන් පිරිසක් බලෙන් මුදල් ඉල්ලමින් පහරදී තිබෙනවා. ඔහු ගේ දෙමවුපියන් ඒ පිළිබඳව කුරුදුවත්ත පොලිසියේ පැමිණිලිකොට තිබෙනවා. ඒ හැර මම කාටවත් පහර දුන්නේ නැහැ.”

මෙම සිද්ධිය පිළිබඳව අප කළ විමසුමකට පිළිතුරු දුන් කුරුදුවත්ත පොලිසියේ නිලධාරියකු ප්‍රකාශ කළේ එකම පාසලක ළමුන් අතර ගැටුමක් ගැන පැමිණිල්ලක් ලැබී ඇති නමුත් මේජර් ජෙනරාල් කමල් ගුණරත්න මහතාට එරෙහිව කිසිදු පැමිණිල්ලක් ලැබී නොමැති බවය.

මේ අතර අදාළ පාසලේ විදුහල්පතිවරයා සම්බන්ධ කර ගැනීමට ගත් උත්සාහය ව්‍යර්ථ විය.

එහෙත් එම පාසලේ ආරක්ෂක නිලධාරියකු ප්‍රකාශ කළේ සිද්ධිය වන අවස්ථාවේ ඔහු පාසල තුළ රාජකාරියේ නිරතව සිටි බවත්, පාසල් බිමෙන් පිටත සිසුන් අතර සිදුවීමක් වුවත් බාහිර පුද්ගලයන් හෝ හමුදා නිලධාරින් හෝ කිසිවෙකු ගේ සම්බන්ධතාවක් ඊට නොමැති බවත්ය.

savana.lk

Related posts

කන්දකාඩු පොකුරේ කිසිසේත්ම දෙවැනි රැල්ලක් නෑ..

colombotoday

බීමත් රියදුරන් අල්ලන්න පොලිසිය වෙත Breathalyzer උපකරණ කට්ටල 30,000 ක්

colombotoday

මාස හයෙන් දිරන.. දියකරල බොන්න පුලුවන් – අපේ ඉංජිනේරුවෙකු සැදූ අලුත්ම පොලිතීන් වර්ගය මෙන්න

colombotoday

බැඳුම්කර කොමිසමේ සාක්ෂිකරුවන්ගේ ජීවිත අනතුරේ.. ආරක්ෂාව ඉල්ලුවත් පොලිස්පතිගෙන් ප්‍රතිචාර නෑ

colombotoday

සචිත්‍ර සේනානායක යළි රිමාන්ඩ්

Admin

මඩවල කැටවල අරාබි පාසල විවෘත කිරීම තාවකාලිකව නතර කෙරේ

colombotoday