Colombo Today Local News

කපමින් සිටි කිතුල්ගසට යටවී යාබද නිවසේ දියනාමින් සිටි කත මරු දකී

පුද්ගලයන් තිදෙනෙකු විසින් අඩක් කපන ලද කිතුල් ගසකට කඹයක් යොදා අදිමින් සිටියදී, යාබද ඉඩමේ සිටි කාන්තාවක් මතට ගස වැටීමෙන් ඇය මිය ගොස් ඇති බව වැලිපැන්න පොලිසිය කියයි.

එම මරණය සම්බන්ධයෙන් ඉඩමේ හිමිකරු ඇතුළු පුද්ගලයන් තිදෙනෙකු පොලිසිය මගින් අත්අඩංගුවට ගෙන ඇත.

අනතුරින් මියගොස් ඇත්තේ වැලිපැන්න ගබඩා හන්දිය කුරුඳුවත්ත කුරුඳුවත්ත ලිපිනයේ පදිංචිව සිටි රමණී වසන්තා ගුණතිලක (52) යන අයයි.

එම කාන්තාව කුලී පදනම මත පදිංචිව සිටින අතර යාබද ඉඩමේ හිමිකරු වැට මායිමට වන්නට තිබෙන කිතුල් ගස තවත් පුද්ගලයන් දෙදෙනකුගේ සහයෙන් කපාඉවත් කරමින් සිටියදී මෙම අනතුර වී ඇති බව පොලිස් විමර්ශනවලදී හෙළිවී ඇත. ගස කපා අදින අවස්ථාවේදී ඇය පදිංචි නිවස අසල දියනාමින් සිට ඇති අතර ඉඩමේ හිමිකරු සහ අනෙක් පුද්ගලයන් දෙදෙනා කඹය ආධාරයෙන් අඩක් කපන ලද කිතුල් ගස ඔවුන් දෙසට අදිද්දී ඊට ප්‍රතිවිරුද්ධ දිසාවට ගස වැටීමෙන් මෙම අනතුර වී ඇති බව පොලිසිය කියයි.

බරපතළ තුවාල ලබා සිටි කාන්තාව රෝහලට ගෙන යාමට විශාල ප්‍රමාදයක් සිදු වී තිබීම හේතුවෙන් ඇය මරණයට පත්ව ඇති බව විමර්ශනවලදී අනාවරණය වූ බව පොලිස් නිලධාරියෙක් පැවැසීය.

අපරික්ෂාකාරී ලෙස කටයුතු කිරීමෙන් මනුෂ්‍ය ඝාතනයක් සිදුකිරීම හේතුවෙන් අත්අඩංගුවට ගත් සැකකරුවන් තිදෙනා මතුගම මහේස්ත්‍රාත් අධිකරණය වෙත ඉදිරිපත් කිරීමට නියමිතය.

Related posts

ජනපතිගෙන් සමාව ගනු ! අගමැති මරික්කාර්ගේ කණ පැලෙන්නම දෙයි

colombotoday

රෝහිත බෝගොල්ලාගමට ජනපති කොමිසමෙන් සිතාසි

colombotoday

කබ්රාල් සහ ලලිත් වීරතුංග නිදහස් කරමින් නඩුවක් නිෂ්ප්‍රභ කෙරේ..

Admin

අත්අඩංගුවට පත්වන සැකකරුවන් ගැන ක්‍රියාත්මක වීමට පොලිසියට මානව හිමිකම් කොමිසමෙන් නව උපදෙස්..

Admin

රක්නා ලංකා ආරක්ෂකයින් චම්පිකගේ කොම්පැනියකට

colombotoday

තෙල් බෙදාහැරීම අත්‍යවශ්‍ය සේවාවක් වෙයි.. කොලොන්නාව තෙල් ගබඩාව හමුදාව යටතට !

colombotoday