ඉදිරියේදී ජල ගාස්තු ඉහළ දැමීමට සිදුවන බවත්, එසේ වුවහොත් බොරුවට විරෝධතා දැක්වීමට ඉදිරිපත් නොවන ලෙසත් නාගරික සැලසුම් හා ජලසම්පාදන අමාත්‍ය රවූෆ් හකීම් මහතා පවසයි.
කුරුණෑගල තෝරයාය ප්‍ර දේශයේ උත්සවයකට සහභාගී වෙමින් අමාත්‍යවරයා මේ බව පැවසීය.
“රුපියල් 48ක් වැනි මුදලකට අපි වතුර ලීටර් 1000ක් ගෙදරටම ගෙනැත් දෙනවා. ඒත් අද කඩේ වතුර ලීටර් භාගයක් රුපියල් 60 කට විකුණනවා. අපි විශාල පිරිවැයක් දරලා පාඩු විඳගෙනයි වතුර ටික දෙන්නෙ. ඒ නිසා ඉදිරියේදී වතුර ලීටරයක මිල ටිකක් ඉහළ යන්නට ඉඩ තිබෙනවා. එහෙම ගියා කියලා කවුරුවත් විරුද්ධ වෙන්න එපා කියලා දැන් තියාම කියනවා“ යැයි අමාත්‍යවරයා එහිදී වැඩිදුරටත් පැවසීය.