World

‘නාසා’ ආයතනයෙන් පියාඹන පීරිසි සහ පිටසක්වළ ජීවීන් ගැන විශේෂ අනාවරණයක්

ඇමෙරිකානු ජාතික ගගන විද්‍යාව සහ අභ්‍යවකාශ පරිපාලන අධිකාරිය හෙවත් ‘නාසා’ ආයතනය පියාඹන පීරිසි සහ පිටසක්වළ ජීවීන් ගැන විශේෂ අනාවරණයක් කරයි.

‘නාසා’ ආයතනය මෙම අනාවරණය කළේ පසුගිය දා මෙක්සිකෝ පාර්ලිමේන්තුවට ඉදිරිපත් කළ පිටසක්වළ ජීවීන් යැයි සැක කෙරෙන සිරුරු සම්බන්ධයෙන් ලොව පුරා කතාබහක් නිර්මාණය වී ඇති මොහොතකය.
ඇමෙරිකාවේ නාසා ආයතනය දශක ගණනාවක් තිස්සේ, පියාඹන පීරිසි සම්බන්ධයෙන් දත්ත රැස් කරයි. ඇමෙරිකන් ගුවන් හමුදා බුද්ධි අංශයේ සහාය ද ඒ සඳහා ලබා ගනී.

නාසා ආයතනය ‘පියාඹන පීරිසි’ හඳුන්වන්නේ ‘හඳුනා නොගත් ආකාශ වස්තූන්’ යන නාමයෙනි. මෙම ‘වස්තූන්’, පැහැදිලි කළ නොහැකි අද්භූත සංසිද්ධියක් බව නාසා විද්‍යාඥයන් පිළිගෙන තිබේ.

නාසා ආයතනය, නිකුත් කළ නවතම වාර්තාවේ සඳහන් වන්නේ ‘හඳුනා නොගත් එම ආකාශ වස්තූන්’, පිටසක්වළ ජීවීන්ගේ පියාඹන පීරිසි යැයි කීමට හෝ එසේ නොවේ යැයි කීමට හෝ හැකියාවක් නැති බවය. ඊට අමතරව, මෙක්සිකෝ පාර්ලිමේන්තුවට ඉදිරිපත් කෙරුණු අසාමාන්‍ය සිරුරු සම්බන්ධයෙන් නාසා ආයතනය කිසිවක් පවසා නැත.

‘පිටසක්වළ ජීවීන් සැබෑවක් යැයි කීමට හෝ පිටසක්වළ ජීවීන් බොරුවක් යැයි කීමට හෝ හැකියාවක් නැහැ. හඳුනා නොගත් ආකාශ වස්තූන් විශ්වයේ ඈත සිට පැමිණෙන පිටසක්වළ ජීවීන්ගේ අභ්‍යවකාශ යානා යැයි කීමට ප්‍රබල විද්‍යාත්මක සාක්ෂි මෙතෙක් හමුවී නැහැ. මේ දේවල් සම්බන්ධයෙන් දිගටම විමර්ශන කළ යුතුයි’ යැයි පිටසක්වළ ජීවීන් සිටිනවාද නැද්ද යන්න සම්බන්ධයෙන් නාසා විද්‍යාඥයන් ඔවුන්ගේ පිටු 36 කින් සමන්විත වාර්තාව අවසන් කරමින් පැහැදිලි කර තිබේ.

Related posts

මිනිත්තුවකදී වේදනා රහිත මරණයක් ගෙනදෙන ‘සාකෝ’

colombotoday

ට්‍රම්ප්ගේ ඇමරිකාව සමග අලුත් ගමනකට පූටින්ගේ රුසියාව සැරසෙයි !

colombotoday

ජපානයේ සිය දිවි නසාගැනීමේ කඳුකරයේ දී මිනිසුන් 600 කට නැවත පණ දුන් යුකියෝ ෂීගේ

colombotoday

මිල සීමාව ක්‍රියාත්මක රටවලට රුසියානු බොරතෙල් අපනයනය තහනම් කරයි

Admin

මධ්‍යම ආසියානු රටවල ඇෆ්ගන් සරණාගතයින් පදිංචි කරවීමට බටහිර දරන උත්සාහයට පුටින් විරුද්ධ වෙයි.

colombotoday

මානව හිමිකම් නිරීක්ෂකයන් පිලිපීනයට එව්වොත් මම ඔවුන්ගේ ඔලු පළනව – පිලිපීන ජනපති අනතුරු අගවයි

colombotoday