කොළඹ – කෙසෙල්වත්ත ප්‍රදේශයේ දී පසුගියදා තරුණයෙකු වෙඩි තබා ඝාතනය කිරීමේ සිද්ධිය සම්බන්ධයෙන් සැකකරුවන් දෙදෙනෙකු අත්අඩංගුවට ගෙන තිබේ.
ඒ කොළඹ මධ්‍යම කොට්ඨාස අපරාධ විමර්ශන කාර්යාංශයේ නිලධාරීන් විසින්.
මෙම අපරාධය සඳහා යොදාගත් බව කියන යතුරුපැදිය ද සමඟ ඊයේ (06) පස්වරුවේ මොවුන් අත්අඩංගුවට ගෙන ඇත.
සැකකරුවන් අවුරුදු 20 සහ 30 යන වයස්වල පසුවන මරදාන ප්‍රදේශයේ පදිංචිකරුවන්ය.
වෙඩික්කරුවන් වෙත යතුරුපැදිය ලබා දී ඇත්තේ මෙම සැකකරුවන් දෙදෙනා බවට සිද්ධිය සම්බන්ධයෙන් සිදුකළ වැඩිදුර විමර්ශනයේදී අනාවරණ වී ඇත.
යතුරුපැදියකින් පැමිණි දෙදෙනෙකු විසින් පසුගිය 30 වනදා මෙම වෙඩි තැබීම සිදු කර වෙළඳසැලක් ඉදිරිපිට රැඳී සිටිය දී වයස අවුරුදු 20ක් වූ අදාළ තරුණයා ඝාතනය කර තිබුණි.