බ්‍රික්ස් – බිම්ස්ටෙක් සමගාමී සමුළුවට සහභාගීවීමට ඉන්දියාවේ ගෝවා නගරයට ගොස් සිටින ජනාධිපති මෛත්‍රීපාල සිරිසේන මහතා සහ රුසියා ජනාධිපති ව්ලැඩ්මියර් පුටින් මහතා අතර හමුවක් පෙරේදා (16) රාත්‍රියේ පැවැත්විණි.
ශ්‍රී ලංකාවට අවශ්‍ය ඕනෑම සහයක් ලබාදීමට තමන් සූදානම් බව රුසියා ජනාධිපති ව්ලැඩ්මියර් පූටින් එහිදී ප්‍රකාශ කර තිබෙනවා.
එක්සත් ජාතින්ගේ මානව හිමිකම් කොමිෂන් සභාව හමුවේ රුසියාව ශ්‍රී ලංකාවට දැක්වූ කොන්දේසි විරහිත සහය වෙනුවෙන් තමා ස්තූතිවන්ත වන බවත්, රුසියාව සමග පවතින මිත්‍රශීලි සම්බඳතාවයන් තවදුරටත් වර්ධනය කර ගැනීමට කටයුතු කරන බවත් මෛත්‍රීපාල සිරිසේන මහතා රුසියානු ජනපතිවරයා වෙත ප්‍රකාශ කර තිබෙනවා.
