උතුරු නැගෙනහිර පළාත් එක්කර වෙනම දෙමළ ප්‍රාන්තයක් ඇති කරන ලෙස ඉල්ලමින් උතුරු පළාත් සභාවේදී සම්මත කරගත් යෝජනාව ලබන සතියේ රජයට බාර දෙන බව උතුරු පළාත් සභාවේ සභාපති සී.වී.කේ. සිවඥාණම් පවසයි.
සිංහල සහ දෙමළ භාෂාව පදනම් කරගත් ප්‍රාන්ත දෙකකින් සමන්විත ෆෙඩරල් රාජ්‍යයක් සදහා මෙම යෝජනාව ඉදිරිපත් වී තිබුණු අතර සිංහල භාෂාව පදනම් කරගත් ප්‍රාන්තය දකුණු පළාත කෙන්ද්‍ර කරගනිමින් පිහිටුවන අතර, දෙමළ භාෂාව කේන්ද්‍ර කරගත් ප්‍රාන්තය උතුරු නැගෙනහිර දෙපළාත කෙන්ද්‍රකරගනිමින් පිහිටුවීම සදහා යෝජනා කර තිබෙනවා.
දකුණු පළාත කේන්ද්‍ර කරගනිමින් පිහිටුවන ප්‍රාන්ත සභාව යටතේ කදුකර ප්‍රදේශය සදහා වෙනම පාලන ඒකකයක් පිහිටුවීමට හා උතුරු නැගෙනහිර කේන්ද්‍රකරගත් ප්‍රාන්ත සභාව යටතේ නැගෙනහිර සදහා වෙනම මුස්ලිම් පාලන ඒකකයක්ද පිහිටුවීමටද එමගින් යෝජනා කර ඇත.