මරදාන මරියකඩේ ප්‍රදේශයේ වෙළඳසැලක තිබි අළෙවි නොකර සඟවා තබාගෙන සිටි බිත්තර 15,000කට අධික තොගයක් පාරිභෝගික කටයුතු පිළිබඳ අධිකාරිය විසින් සොයාගනු ලැබ තිබේ.
තම අධිකාරියේ නිලධාරින් අද පෙරවරුවේ වෙළඳසලක් පරික්ෂාවට ලක් කළ බව පාරිභෝගික කටයුතු අධිකාරිය පවසයි.
වෙළෙඳසැලේ අළෙවි නොකර සඟවා තබාගෙන සිටි බිත්තර තොගය පාරිභෝගික කටයුතු අධිකාරියේ නිලධාරින් විසින් එහිදි සොයා ගෙන තිබේ.
සඟවාගෙන සිටි බිත්තර තොගය රුපියල් 44 ක මිලකට එම වෙළඳසැල ඉදිරිපිට තබා අළෙවි කළ බව පාරිභෝගික කටයුතු පිළිබඳ අධිකාරිය සඳහන් කරයි.
බිත්තර තොග සඟවා ගෙන හා වැඩි මිලට අළෙවි කරන වෙළඳුන් සොයා තවදුරටත් වැටලීම් සිදුකරන බව ඔවුන් සදහන් කරයි.