විද්‍යාගාර පරීක්ෂණ සඳහා ආනයනික බිත්තරවල සාම්පල ලබා ගත් බව සත්ත්ව නිෂ්පාදන හා සෞඛ්‍ය දෙපාර්තමේන්තුව පවසයි.
කුරුලු උණ වෛරසය ඇතුළු වෛරස් වර්ග ගණනාවක් සම්බන්ධයෙන් එම පරීක්ෂා කිරීම් සිදුකරන බව එහි අධ්‍යක්ෂ, වෛද්‍ය හේමාලි කොතලාවල මහත්මිය ප්‍රකාශ කළාය.
බොරැල්ල වෛද්‍ය පර්යේෂණායතයේ හා පශු වෛද්‍ය පර්යේෂණාගාරයේ පරීක්ෂා කිරීම් සිදු කෙරෙනු ඇති.
දින 4 ක් ඇතුළත අදාළ වාර්තා ලබා දීමට නියමිත අතර වාර්තාවල ගැටලුවක් නොමැති නම්, බිත්තර තොගය වෙළඳපොළට මුදා හැරීමට අවසර දෙන බව වෛද්‍ය හේමාලි කොතලාවල මහත්මිය ප්‍රකාශ කළා ය.