Colombo Today Local News

ලන්ච් ෂීට් භාවිතය තහනම් කරන්න නිර්දේශයක්

ලන්ච් ෂීට් (Lunch Sheet) භාවිතය තහනම් කිරීමට පරිසරය, ස්වාභාවික සම්පත් හා තිරසර සංවර්ධනය පිළිබඳ ආංශික අධීක්ෂණ කාරක සභාව මධ්‍යම පරිසර අධිකාරියට නිර්දේශ කර තිබේ.

ලන්ච් සීට් හේතුවෙන් සෞඛ්‍ය හා පාරිසරික වශයෙන් සිදුවන දැඩි හානිය සැලකිල්ලට ගෙන මෙම නිර්දේශය කළ බව එම කාරක සභාවේ සභාපති ගම්පහ දිස්ත්‍රික් පාර්ලිමේන්තු මන්ත්‍රී අජිත් මාන්නප්පෙරුම මහතා පැවසීය.

ශ්‍රී ලංකාවේ ප්ලාස්ටික් සහ පොලිතීන් භාවිතය අවම කිරීම සහ ප්‍රතිචක්‍රීයකරණ ක්‍රියාවලිය වර්ධනය කර ගැනීම සම්බන්ධයෙන් සාකච්ඡා කිරීම සඳහා පරිසරය ස්වභාවික සම්පත් සහ තිරසර සංවර්ධනය පිළිබඳ ආංශික අධීක්ෂණ කාරක සභාව එහි සභාපති ගම්පහ දිස්ත්‍රික් පාර්ලිමේන්තු මන්ත්‍රී අජිත් මාන්නප්පෙරුම මහතාගේ ප්‍රධානත්වයෙන් පාර්ලිමේන්තු සංකීර්ණයේදී පසුගිය 5 වැනිදා රැස් වූ අවස්ථාවේ මෙම නිර්දේශය කර ඇත.

මෙම කමිටු රැස්වීමට පරිසර අමාත්‍යාංශය, මධ්‍යම පරිසර අධිකාරිය, ශ්‍රී ලංකා රේගුව, ගොවිජන සංවර්ධන දෙපාර්තමේන්තුව යන ආයතන වල නිලධාරීහු පිරිසක් එදින කැඳවනු ලැබ සිටියහ.

ලන්ච් ෂිට් භාවිතය නිසා සිදුවන පාරිසරික හානිය මෙන්ම ඒවායේ තැලේට් නම් පිළිකාකාරකය මිනිස් ජීවිතවලට එල්ල කරන බලපෑම පිළිබඳව මෙහිදී දීර්ඝව සාකච්ඡා කෙරිණ.

මේ අනුව විකල්ප හඳුන්වාදීමට මාස හයක සහන කාලයක් ලබාදී ලන්ච් ෂීට් (Lunch Sheet) භාවිතය තහනම් කිරීමට පරිසරය, ස්වාභාවික සම්පත් හා තිරසර සංවර්ධනය පිළිබඳ ආංශික අධීක්ෂණ කාරක සභාව මධ්‍යම පරිසර අධිකාරියට නිර්දේශ ලබා දුන්නේය.

ලොව කිසිදු රටක ලන්ච් ෂීට් භාවිතා නොවන බව පැවසූ පරිසර අමාත්‍යාංශ නිලධාරීහු ලන්ච් ෂීට් භාවිතයෙන් තොරවීමේ වැදගත්කම කාරක සභාවට පෙන්වා දුන්හ.

මේ අතර ප්‍රතිචක්‍රීකරණය සඳහා ප්ලාස්ටික් ‍බෝතල් ලබාගැනීම වඩාත් කාර්යක්ෂම කිරීමට නම් හිස් බෝතල්වලට යම් සැළකිය යුතු මුදලක් ලබා දියයුතු බව කාරක සභා සභාපතිවරයා ප්‍රකාශ කළේය.

මේ අවස්ථාවට පාර්ලිමේන්තු මන්ත්‍රීවරුන් වන ජයන්ත කැටගොඩ, වෛද්‍ය තිලක් රා‍ජපක්ෂ, සහ වරුණ ලියනගේ යන මහත්වරුද සහභාගි වූහ.

Related posts

පේදුරුතුඩුව උතුරු මුහුදේදි කළ වැටලීමකදී මිලියන 71ක කේරළ ගංජා තොගයක් නාවික හමුදා භාරයට

colombotoday

“මුස්ලිම් තරුණයන් අවි අතට ගන්නවා“ හිස්බුල්ලාගේ කතාවට බොදු බලෙන් අමුතු ප්‍රතිචාරයක් !

colombotoday

වන්නියට ඇමති රිෂාඩ් බද්යුදීන් විශාල සේවයක් කරනවා. කොහෙන්ද මුදල් හොයන්නේ කියලා මමවත් දන්නේ නෑ. – අගමැති කියයි

colombotoday

අධි ශිෂ්‍යත්වයක් ලබා ගෝඨාභය සිංග්ප්පූරු යයි

colombotoday

පක්ෂය කරගෙන ඉන්න කියා, බැසිල්ව අමාත්‍යධූරයෙන් ඉවත්කළා. – ගෝඨාභය කී දේවල් පොහොට්ටුව හෙළිකරයි

colombotoday

දෙමළ ජනතාවට ස්වයංතීරණ අයිතිය ඕන… උතුරේ මහ ඇමති ජනපතිගේ මූණටම කියයි

colombotoday