Colombo Today Local News

තර්ජණයට පත් උතුරේ සිංහල වැසියන්ගෙන් ජනපතිට ඉල්ලීම් 8ක් !

14480574_1803270323221535_1051956005990983972_o-copyජාතිවාදය අවුස්සමින් ව්‍යවස්ථා විරෝධිව කටයුතු කටයුතු කරන උතුරු පළාත් ප‍්‍රධාන අමාත්‍ය සි.වි.විග්නේශ්වරන් ඇතුළු ජාතිවාදී, බෙදුම්වාදී බලවේගවලට එරෙහිව “උතුර රකින රට සුරකින ජාතික බලවේගය“ අද වව්නියාවේදී විරෝධතාවයක නිරත විය.

එම විරෝධතාවය සදහා බොදු බල සේනා, රාවණා බලය ඇතුළු ජාතික සංවිධාන, උතුරු පළාතේ විහාරස්ථානවල ස්වාමීන් වහන්සේලා, වව්නියාව බෝගස්වැව ගම්මාන 6 නියෝජනය කරමින් එහි වැසියන් ඇතුළු විශාල පිරිසක් සහභාගී වූහ.

විරෝධතාවය අවසානයේ, උතුරේ තර්ජණයට ලත් සිංහල වැසියන් වෙනුවෙන් “උතුර රකින රට සුරකින ජාතික බලවේගය“ සංවිධානයේ කැඳවුම්කරු නන්දසේන වීරසිංහ මහතා විසින් ජනාධිපතිවරයා, අගමැතිවරයා, උතුරු පලාත් ආණ්ඩුකාරවරයාට ලබා දීම සදහා සංදේශයක් ඉදිරිපත් කරන ලදි.

01. ජාතික ආරක්ෂාව උදෙසා උතුරු නැගෙනහිර පිහිටි හමුදා කදවුරු ඉවත් නොකිරීම.

02. උතුරු – නැගෙනහිර පළාත් ඒකාබද්ධ කරමින් ෆෙඩරල් පාලනයක් ඇති නොකිරීම.

03. උතුරු – නැගෙනහිර නැවත පදිංචිකිරීම් සිදුකිරීම හා සිංහල ජනතාව ඉවත් නොකිරීම හා, මෙම ගම්මානවල ඉඩම් බලපත්‍ර ලබා දෙමින් සංවර්ධන කටයුතු කඩිනම් කිරීම.

04. විහාරස්ථාන, බුදු පිළිම විනාශ කරන කණ්ඩායම් සම්බන්ධයෙන් ක්‍රියාත්මක වීම.

05. ව්‍යවස්ථා විරෝධී, රාජ්‍ය විරෝධී උද්ඝෝෂණ පවත්වමින්, ආණ්ඩුක්‍රම ව්‍යවස්ථාව අමු අමුවේ උල්ලංඝණය කරමින් ජාතිවාදය, බෙදුම්වාදය ඇතිකරන උතුරේ ප්‍රධාන අමාත්‍යවරයා හා පාර්ලිමේන්තුව නියෝජනය කරන මන්ත්‍රීවරයා සහ බෙදුම්වාදී රැළියට නායකත්වය දුන් සියළු දෙනා අත්අඩංගුවට ගැනීම.

06. උතුරු පළාත්සභාව විසුරුවා හැර එහි බලය ආණ්ඩුකාරවරයාට පැවරීම.

07. උතුරු පළාත්සභාවෙන් ඉටු නොවන නැවත පදිංචි කිරීම් හා උතුරේ සිංහල ගම්මානවල සංවර්ධන කටයුතු මධ්‍යම ආණ්ඩුව හරහා සිදුකිරීම.

08. පළාත් සීමා නීර්ණය තුළින් බොගස්වැව ගම්මාන කළාපය උතුරු පළාතෙන් ඉවත් කිරීමට ගෙන ඇති පියවර නවතා අත්හිටුවා, වව්නියාව දකුණු, බොගස්වැව ප්‍රාදේශීය ලේකම් කොට්ඨාසයක් ඇති කිරීම.

යන කරුණු මූලිකකරගත් ඉල්ලීම් කිහිපයක් එමගින් අවධාරණය කර තිබිණි.

14492506_892053060928301_3681266036537535219_n14484978_695724020596847_361971440049690891_n14445226_1803270186554882_717762569502354749_o

Related posts

සිංහලයාගේ සමගිය තුලින් රටට එරෙහි බලවේග එකට තියා පරදවන්න හැකි වුනා. ලැබූ ජය සාමකාමිව සමරන්න – ඥානසාර හිමි පවසති.

colombotoday

වසර 60 ක තීරණයේ වෙනසක් : රජයේ ආයතනවල මහජන දිනය සදුදා දිනයට ගෙන එයි

colombotoday

අන්තවාදී, වහබ්වාදී, ෂබාබ් උත්සවයක ප්‍රධාන දේශනයකට නීතිඥ අලි ශබ්රි ගිහින්

colombotoday

කැලණියේ කුඩු මංගලිකා බඩුත් එක්ක මාට්ටු

colombotoday

ටෝකන් පතට එන්නත් දෙන්න ගිය මොරටුව නගරාධිපතිට ඇප

colombotoday

“අසල්වැසියන්ට ප්‍රේම කරමු.. අපට කෙළවුණත් ETCA ගෙනත් ඉන්දියාවේ රැකියා ප්‍රශ්නය විසදමු“ – ඉරාජ්

colombotoday