මෙවර ජනාධිපතිවරණ ඡන්ද විමසීමෙන් පසුව මෙරට දේශපාලනය තුළ නව සන්ධිස්ථානයක් ආරම්භ වී ඇතිබව ජනතා විමුක්ති පෙරමුණේ ජාතික විධායක සභික නලීන් හේවගේ මහතා ගාල්ල රත්ගම ප්‍රදේශයේ පැවති රැස්වීමකදී පැවසීය.
මහ මැතිවරණය පැවැත්වීමට පෙරම දූෂිත දේශපාලකඥායින් පරාජය භාර ගෙන තිබෙන බවත් එය මැතිවරණයට තරඟ නොකිරීමට අදහස් කිරීම තුලින් පැහදිලි වන බවත් ඒ මහතා වැඩි දුරටත් පවසා සිටියේය.
එමෙන්ම දූසිත දේශපාලකයන් කිහිප දෙනෙක් මෙවර මැතිවරණයට තරඟ කිරිමට ඉදිරිපත්ව ඇති බවත් ඔවුන්ටද ජනතාව නිසි ආකාරයෙන් ප්‍රතිචාර දක්වනු ඇතිබවත්ද හෙතෙම ප්‍රකාශ කර සිටියේය.
මේ වන විට කිසිදු පලාත් සභාවක් හො පාර්ලිමේන්තුවක් නොමැතිව වුවත් තිදෙනෙකුගෙන් යුත් කැබිනට්ටුවක් ඉතා සාර්ථකව රට කරගෙන යන බවත් එය ඉතා බැරෑරුම් රාජකාරියක් බවත් මේ ව විට රටේ කිසිදු අර්බුදයක් නොමැති බවද ඒ මහතා වැඩි දුරටත් අදහස් දක්වමින් ප්‍රකාශ කර සිටියේය.