සිය ගැටලු සඳහා නිශ්චිත විසඳුමක් ලැබෙන තෙක් දැනට ක්‍රියාත්මක වැඩ වර්ජනය අද (22) දිනයේ ද ක්‍රියාත්මක කරන බව රජයේ වෛද්‍ය නිලධාරීන්ගේ සංගමය පවසයි.
එම සංගමයේ විධායක කමිටු සාමාජික වෛද්‍ය ප්‍රසාද් කොළඹගේ මහතා පැවසුවේ, සෞඛ්‍ය අමාත්‍යාංශ ලේකම්වරයා සමඟ පැවැති සාකච්ඡාව ද විසඳුමකින් තොරව අවසන් වු බවය.
කෙසේවෙතත් අද දිනයේ ද අත්‍යවශ්‍ය හදිසි ප්‍රතිකාර සේවා සාමාන්‍ය පරිදි සිදුකෙරෙන බව වෛද්‍ය ප්‍රසාද් කොළඹගේ මහතා සඳහන් කර ඇත.
ඊයේ දිනයේ වෛද්‍ය වර්ජනය හේතුවෙන් ප්‍රතිකාර ලබාගැනිමට පැමිණි ජනතාව දැඩි අසීරුතාවට පත්වූ බව වාර්තාවේ.