ගෑස් මිල ඉහළ යාම හේතුවෙන් ආදාහන සඳහා අයකරන ආදාහනාගාර ගාස්තු සංශෝධනය කිරීමට කුලියාපිටිය නගර සභාව තීරණයක් ගෙන ඇත.
සේවාලාභීන්ට එම වැඩි වන ගෑස් මිලට පමණක් වන සේ නාගරික ආදාහනාගාරයේ දැනට අයකරන මුදල රුපියල් දෙදහසකින් ඉහළ දැමීමට පියවර ගෙන තිබේ.
කුලියාපිටිය නාගරික හා ප්‍රාදේශීය සභා බලප්‍රදේශයේ පදිංචිකරුවන් සඳහා මෙතෙක් අය කළ රුපියල් අට දහස වෙනුවට දස දහසක මුදලක් අයකිරීමටත් ඉන් බැහැර පුද්ගලයන්ගෙන් රුපියල් නවදහස වෙනුවට රුපියල් එකොළොස් දහසක් අයකිරීමටත් තීරණය කර ඇත.
යම් යම් අවස්ථාවන්හි ගෑස් මිල ඉහළ දැමූ අවස්ථාවන්හිදී එසේ මිල සංශෝධනය නොකළ ද මෙවර ගෑස් මිල ඉහළ යාම දරාගත නොහැකි නිසාවෙන් එසේ ඉහළ දැමීමට සිදුවන බව එහිදී සභිකයන් ඒකමතිකව තීරණය කරමින් එසේ ආදාහනය සඳහා මෙතෙක් ලබාගත් මුදල වැඩි කිරීමට තීරණය කර තිබේ.