හිටපු කොටි නායක වේලුපිල්ලේ ප්‍රභාකරන්ගේ ශරීරාරක්ෂක බලකාය වූ චාල්ස් ඇන්තනී බලකායේ අණ දෙන නිලධරයා වූ නගුලන් (ශිවමූර්තී කනපතිපිල්ලේ) යාපනයේ කෝපායිහිදී ඊයේ (26) අත්අඩංගුවට ගත් බව පොලිස් ආරංචිමාර්ග කියයි.
2009 යුද්ධය අවසානයේ ඔහු සාමාන්‍ය වැසියෙකු ලෙස යාපනයේ කෝපායිහි පදිංචිව සිටියේය. චාල්ස් ඇන්තනී බලකායේ රාම් අත්අඩංගුවට ගැනීමෙන් පසුව ඔහුගෙන් ලද තොරතුරක් අනූව නගුලන් අත්අඩංගුවට ගන්නට ඇතැයි දැනගන්නට තිබේ.
මෙම සිද්ධිය සම්බන්ධයෙන් ප්‍රශ්න කිරීමට එල්. ටී. ටී. ඊ. සංවිධානයේ ප්‍රබල නායකයකුව සිටි ‘රාම්’ නමැත්තා ද ත්‍රස්‌තවාදී විමර්ශන ඒකකය මගින් මීට දින කීපයකට පෙර අත්අඩංගුවට ගෙන තිබිණි.
මොහු යුද සමයේ එල්. ටී. ටී. ඊ. සංවිධානයේ ප්‍රබල නායකයන් ලෙස ආරක්ෂක අංශවලට එරෙහිව සිදුකළ සටන් රැසකට සම්බන්ධවූවන් බවද හෙළිවී ඇත.
අත්අඩංගුවට ගෙන සිටින රාම් සහ තලේඅරසන් නමැති කොටි ප්‍රබලයන් යුද්ධය අවසන් වීමෙන් පසු පුනරුත්ථාපනයට ලක්‌වී නොමැති බවද හෙළිවී තිබේ. රාම් නමැත්තා තිරික්‌කෝවිල් ප්‍රදේශයේ සිය බිරිඳ සමඟ පදිංචි වී සිට ඇති අතර ඊයේ අත්අඩංගුවට ගත් තලේඅරසන් නමැත්තා ත්‍රිකුණාමලය ප්‍රදේශයේ පදිංචිව සිට ඇත.
චාවාකච්ෙච්රිය ප්‍රදේශයේ නිවසක සඟවා තිබියදී මරාගෙන මැරෙන බෝම්බ ඇඳුම් කට්‌ටලයක්‌ සහ අවි ආයුධ සොයා ගැනීමේ සිද්ධිය සම්බන්ධයෙන් මේ වන විට කොටි සංවිධානයට සම්බන්ධ වී සිටි එකොළොස්‌ දෙනකු අත්අඩංගුවට ගෙන ඇත.