ගාල්ල සමනල ක්‍රීඩාංගනයේ පවත්වන මැයි රැළියට නොඑන ශ්‍රීලනිප මන්ත්‍රීන්, ආසන සංවිධායකයන්, පළාත් සභා මන්ත්‍රීන් යන සියලු දෙනාට එරෙහිව විනය ක්‍රියාමාර්ග ගන්නා බව පක්ෂ ලේකම් දුමින්ද දිසානායක මහතා ඩාලි පාර ශ්‍රීලනිප මූලස්ථානයේදී අද (22) පැවති මාධ්‍ය හමුවක දී පැවසිය.
මීට පෙර පක්ෂ සාමාජිකයන්ගේ විනය කඩවිම් සම්බන්ධයෙන් නිසා ක්‍රියාමාර්ග නොගැත්තැයි පක්ෂ සාමාජිකයන් දොස් කියන බවත් දිසානායක මහතා පැවසීය. පක්ෂයේ ආසන සංවිධායකවරුන් පත්කිරීම සදහා ජනපතිද ඇතුළු සප්ත පුද්ගල කමිටුවක් පත් කර ඇති බවද හෙතෙම පැවසීය.