ශ්‍රී ලංකා ගමනාගමන මණ්ඩලයට අමතර කොටස් මිලදී ගැනීමේදී රුපියල් විසිනව කේටි අසූ ලක්ෂ අනූහතර දහස් පන්සිය නවයක (රු.298094509.00) පාඩුවක් සිදුකර ඇති බව පාර්ලිමේන්තුවේදී හෙළිවී තිබේ.
ලංගමයේ අභ්‍යන්තර ගිණුම් අංශ පෙන්වා දෙන්නේ මෙම මුදල දළ වශයෙන් ඇස්තමේන්තු කරන ලද්දක් බවත් එක් වර්ෂයකදී අමතර කොටස් මිලදී ගැනීමට යොදවන මුදල්වලින් පවා මීට වඩා විශාල මුදලක් වංචා කර ඇති බවට මේ වනවිට තහවුරු කර ගැනීමට හැකි වී ඇති බවත්ය.
විශේෂයෙන්ම ඉන්දියානු ණය යටතේ බස්රථ ගෙන්වීමේදී විශාල මුදලක් වංචාකර තිබෙන බව හෙළිකර ගෙන ඇති අතර අධිවේගී මාර්ගවල ධාවනය කරන බස්රථ මිලදී ගැනීමේදී හා එම සේවා පවත්වාගෙන යන ක්‍රමවේදය තුළින්ද මහා පරිමාණ වංචා සිදු කෙරෙන බැවින් ඒ පිළිබඳ විශේෂ විමර්ශනයක් ආරම්භ කළ යුතු බව පෙන්වා දී ඇත.