සුනඛයින් මහ මඟ දමා යන පුද්ගලයන්ට එරෙහිව රුපියල් 25,000 ක දඩ මුදලක් නියම කිරීමට නීති සකස් කරන බව පළාත් සභා හා පළාත් පාලන අමාත්‍යාංශය පවසනවා.
එමෙන්ම, එවැන්නන්ට මාස 6 ක සිරදඬුවමකුත් ලබාදීමට ද නව නීති මගින් කටයුතු කරන බවයි විෂය භාර අමාත්‍ය ෆයිසර් මුස්තාෆා කොළඹ ඊයේ (16) පැවති මාධ්‍ය හමුවකට එක්වෙමින් සඳහන් කළේ.
පොදු ස්ථානවලට සුනඛයින් ගෙනවිත් දමන පුද්ගලයින් හඳුනා ගැනීම සඳහා ආරක්ෂිත කැමරා සවි කිරීමට තීරණය කර ඇති බවයි ඔහු වැඩිදුරටත් කියා සිටියේ.