අදත් රට පුරා ඇතැම් ප්‍රදේශවල වරින් වර විදුලිය බිඳවැටිය හැකි බව ලංකා විදුලිබල මණ්ඩලය පවසනවා. නොරොච්චෝලේ බලාගාරය තවමත් අක්‍රියව පැවතීම ඊට හේතුවයි.
ලංකා විදුලිබල මණ්ඩලයේ අතිරේක සාමාන්‍යාධිකාරී බන්දුල තිලකසේන මහතා පැවසුවේ නොරොච්චෝලේ බලාගාරය සක්‍රීය කිරීමට කාලයක් ගත වෙන බවයි.එම කාලය තුළදී විදුලිය බිඳවැටීම් සිදුවිය හැකි බවද ඒ මහතා වැඩිදුරටත් කියා සිටියා.
විදුලිය බිඳවැටෙන ප්රදේශ සහ වෙලාවන් කල්ඇතිව දැනුම් දීමක් කල්ඇතිව කළ නොහැකි බවයි ලංකා විදුලිබල මණ්ඩලය සදහන් කර සිටින්නේ.
මෙවැනි විදුලිය බිඳවැටීම් රට පුරා ප්රදේශ බොහෝමයක ඊයේ (14) දිනයේ ද වරින්වර විදුලිය බිඳවැටුණා. මේ නිසා තමන් දැඩි පීඩාවකට පත්ව සිටින බවයි මහජනතාව පවසන්නේ.
මේ අතර විදුලිය අරපිරිමැස්මෙන් භාවිත කළ යුතු බව ලංකා විදුලිබල මණ්ඩලය නැවත අවධාරණය කෙරෙනවා. මෙම දින කිහිපයේදී පමණක් නොව සෑමදාම එය පුරුද්දක් කරගත යුතු බවයි එහි අතිරේක සාමාන්‍යාධිකාරී බන්දුල තිලකසේන මහතා කියා සිටියේ.