Colombo Today Local News

ගාල්ලෙන් ගිය බස් රථයකට යාපනේදී ප්‍රහාරයක් !

යාපනය අරියාල් ප්‍රදේශයේ දී නාඳුනන කණ්‌ඩායමක්‌ විසින් ගාල්ල ප්‍රදේශයේ සිට පැමිණි බස්‌රථයකට පහරදීමේ සිද්ධියක්‌ ඊයේ (22 දා) වාර්තා විය.

ඊයේ අලුයම 2.30 ට පමණ යතුරුපැදිවලින් පැමිණි පිරිසක්‌ විසින් ආරියාලේ ප්‍රදේශයේ ලැගුම් හලක්‌ අසල නවතා තිබූ බස්‌ රථයකට මෙම ප්‍රහාරය එල්ලකර ඇති අතර එම ප්‍රහාරයෙන් බස්‌ රථයට දැඩි අලාභහානි සිදුකර ඇත.

මෙම සිද්ධියට මුහුණපා ඇත්තේ ගාල්ල තෙලිද්දුව ප්‍රදේශයේ සිට යාපනය ප්‍රදේශයේ සංචාරයක යෙදුණු තිස්‌දෙනකුගෙන් යුත් නඩයකටය.

තම බස්‌රථයට ප්‍රහාරය එල්ල වීම සම්බන්ධයෙන් එම අවස්‌ථාවේදී ඊට මුහුණපෑ බස්‌ රථයේ හිමිකරු වූ වයි.බී. ප්‍රියන්ත මහතා, ඊයේ අලුයම මේ සිද්ධිය වෙන අවස්‌ථාවේ අපි අරියාලේ ප්‍රදේශයේ ලැගුම් හලක උඩුමහලේ සහ පහත මාලයේ නිදා සිටියා. අපේ පිරිසට හොඳටම නින්ද ගිහින් තිබුණේ. එක පාරටම අප සිටි ගොඩනැඟිල්ල ඉදිරිපිට නවතා තිබූ බස්‌රථයට කවුදොa පහර දෙනවා ඇහුණා. යතුරුපැදිවලින් පැමිණි කිහිප දෙනකු බස්‌රථවලට පහරදී පලා යනවා දැක්‌කා. ඔවුන් අපේ බස්‌රථයේ වීදුරුවලට හානිකර තිබුණා.

අපි මේ පහරදීම පිළිබඳව යුද හමුදාවටත්, පොලිසියටත්, පොලිස්‌ හදිසි ඇමතුම් ඒකකයටත් දැනුම් දුන්නා. අපි මේ පිළිබඳව යාපනය පොලිසියට පැමිණිලි කළා. මේ හදිසි පහරදීම පිළිබඳව අප කණ්‌ඩායම දැඩි කම්පනයට පත්වෙලයි සිටින්නෙ යෑයි ඔහු වැඩිදුරටත් කියා සිටියේය. අපි මේ පිළිබඳව යාපනය පොලිසියෙන් විමසූ විට පොලිසිය සඳහන් කළේ එවැනි පහරදීමක්‌ පිළිබඳව පැමිණිල්ලක්‌ කර ඇති බවත් ඒ පිළිබඳව පරීක්‍ෂණ පවත්වන බවත්ය. වැඩි තොරතුරක්‌ තමන්ට ඉදිරිපත් කළ නොහැකි බවත් එම පොලිසිය සඳහන් කළේය.

-දිවයින

Related posts

කුරහන් සාටකය අදින්නේ නැතිවුණත් දර්ශනය ප්‍රතිපත්ති ප්‍රකාශයේ තිබෙනවා.

colombotoday

ජිනීවා සම අනුග්‍රහට ලංකාව බැඳ දැම්මේ මංගල සමරවීරයි. බලපෑම් ආවත් අපි ඉවත් වෙනවා – විමල් වීරවංශ

colombotoday

විදුලි ඇණහිටීම සිදුව ඇත්තේ කම්කරුවන්ගේ දෝෂයකින් – කමිටු වාර්තාව කැබිනට් මණ්ඩලයට

colombotoday

බියර් සහ සමලිංගිකත්වය අතර සම්බන්ධයක් තියෙනවා – පූජ්‍ය මැදගොඩ අභයතිස්ස හිමි

colombotoday

මන්ත්‍රී ගෝරියේදී කඩා දැමූ මයික්‍රෆෝනයේ වටිනාකම ලක්ෂ 3යි.. මහජන මුදලින් අලාභය පියවයි…

colombotoday

“කාන්තාවනි ආණ්ඩුවට එරෙහිව පෙළගැසෙමු”

Admin