Colombo Today Local News

පොලිස් නිලධාරියෙකුට අධිකරණයේදී පහරදුන් සැකකරුවෙක් රිමාන්ඩ්

අධිකරණයේ රාජකාරී නියතු පොලිස් නිලධාරියෙකුට සාපරාධී බලහත්කාරය පෑ සැකකරුවෙකු රක්ෂිත බන්ධනාගාරගත කර තිබේ.

ඊයේ (2) දින නුවරඑළිය මහේස්ත්‍රාත් අධිකරණයේ මහේස්ත්‍රාත්වරයා අධිකරණයේ නිශ්ශබ්දතාව සඳහා අධිකරණයට පැමිණ සිටි පිරිස් දැනුවත් කිරීමට නියෝග කර ඇත.

එම අවස්ථාවේ අධිකරණයේ රාජකාරී නියුතුව සිටි පොලිස් කොස්තාපල්වරයා විවෘත අධිකරණයේ රැස්ව සිටි මහජනතාව අමතා අධිකරණයේ කටයුතුවලට බාධා නොවන අයුරින් නිශ්ශබ්දව සිටින ලෙස දැනුවත් කර තිබේ.

එහිදී එක් පුද්ගලයෙකු අමතා නිශ්ශබ්ද වන ලෙස ත් අධිකරණ කටයුතු අවසන් නම් එම ස්ථානයෙන් පිටව යන ලෙසට උපදෙස් ලබා දී ඇත.

එම පුද්ගලයා එය ප්‍රතික්ෂේප කරමින් අදාළ පොලිස් කොස්තාපල්වරයාට බැණ වැදී පහරදීමක් සිදු කර නිලධාරියාගේ රාජකාරියට සාපරාධී බලහත්කාරය පෑමක් සිදු කර තිබේ.

අධිකරණයේ සිටි පොලිස් නිලධාරීන් එම පුද්ගලයා අත්අඩංගුවට ගෙන නුවරඑළිය පොලිස් ස්ථානයට ඉදිරිපත් කර ඇත.

අත්අඩංගුවට ගත් සැකකරු වයස අවුරුදු 43ක් වූ නානුඔය ප්‍රදේශයේ පදිංචිකරුවෙකි.

සැකකරු ඊයේ (2)දින නුවරඑළිය මහේස්ත්‍රාත් අධිකරණය වෙත ඉදිරිපත් කිරීමෙන් පසු නොවැම්බර් 9 වන දා දක්වා රක්ෂිත බන්ධනාගාරගත කර ඇත.

සිද්ධිය සම්බන්ධයෙන් නුවරඑළිය පොලිසිය වැඩිදුර විමර්ශන සිදු කරයි.

Related posts

නින්දා අපහාස විදගෙන රට වෙනුවෙන් අප කියූ සියල්ල ඇත්ත වුණා… ජීවිතය පුදන්නත් රටක් තිබිය යුතුයි !!

colombotoday

රජයේ සියලුම රෝහල්වල හා සෞඛ්‍ය ආයතනවල ඖෂධවේදීන්ගේ සංගමය ’කළු විරෝධතා සතියක්’ අරඹයි

Admin

ඇලොසියස් මුදල් දී මාව හිර කළා – දයාසිරි ජයසේකර

colombotoday

උද්ඝෝෂකයෝ මහරගම පොලිස් ස්ථානාධිපතිට ඇඟිලි දෙකක් අහිමි කරයි. – නායකත්වය දුන් දෙදෙනෙක් අත්අඩංගුවට.

colombotoday

ව්‍යවස්ථා සභාවට අභියෝග කරන්න ජනාධිපතිට බලයක් නෑ

Admin

“මාධ්‍ය කියන්නේ බොරු.. දරුවන් 130ක් පමණ අතුරුදන්“ – මීතොටමුල්ල ප්‍රදේශවාසීන් (Video)

colombotoday