වර්තමාන ජනාධිපතිතුමා හිතන්නෙත් රටේ මොනවා හරි විකුණලා සංචිතයට බිලියන තුන හතරක් දාගෙන “රේටින්” වලින් උඩට පැමිණි පසු ණයට කකා ජොලියේ ඉන්න බව කොළඹ දිස්ත්‍රික් මන්ත්‍රී විමල් වීරවංශ මහතා පාර්ලිමේන්තුවේ දී අද (30)දින පැවසීය.
මේ සූත්‍රයෙන් තවදුරටත් ඉදිරියට යා නොහැකි බවද ඔහු සඳහන් කළේය.
වීරවංශ මහතා මෙසේ පැවසුවේ කර්මාන්ත අමාත්‍යාංශයේ වැය ශීර්ෂය පිළිබඳ විවාදයේදීය.
මහ බැංකුව සහ මුදල් අමාත්‍යාංශය මූල්‍ය කළමනාකරණයට අදාළ තීන්දු තීරණ තනි තනිවම ලබා ගන්නා බව පැවසූ වීරවංශ මහතා මූල්‍ය පද්ධතිය බේරාගත හැක්කේ කර්මාන්තකරුවා රැකගත්තොත් පමණක් බවද ප්‍රකාශ කළේය.