Colombo Today Local News

“LTTEය යුරෝපයේ තහනම් කිරීම වැරදියි.. කදිරගාමර් කළේ නොහොබිනා වැඩක්” – එරික් සෝල්හයිම් කියයි

eric solhime with ltteකොටි සංවිධානය (LTTE) යුරෝපා සංගමය තුළ තහනම් කිරීම ශ්‍රී ලංකාවේ සාමය ඇති කිරීමට බාධාවක් වූ බව පවසන නොර්වේ හිටපු සාමා නියෝජිත එරික් සෝල්හයිම්, හිටපු විදේශ අමාත්‍ය ලක්ෂ්මන් කදිරගාමර් මහතා ඒ වෙනුවෙන් කටයුතු කිරීම දැඩිව විවේචනයට ලක්කර තිබේ.

යුරෝපය සහ ලෝකය පුරා යමින් LTTE සංවිධානය තහනම් කරන ලෙස ආණ්ඩු වලට ඒත්තු ගන්වන්නට ලක්ෂ්මන් කදිරගාමර් මහතා සෑහෙන කාලයක් ගත කළ බව ශ්‍රී ලංකා රජයත් කොටි සංවිධානයත් අතර 2002 ආරම්භ වූ සාම ක්‍රියාදාමයේ ප්‍රධාන පහසුකාරක එරික් සොල්හයිම් ප්‍රකාශ කොට තිබුනේ දෙමළ ජනයාට යුක්තිය (Justice for Tamils) විසින් කැනඩාවේ සිට අන්තර්ජාල ගත කෙරෙන වීඩියෝ සාකච්ඡාවකට සහභාගී වෙමිනි.

“මම තාමත් හිතන්නේ එය වැරදි උපාය මාර්ගයක් ලෙසයි.”

පැරිසිය මුලස්ථාන කොටගත් ආර්ථික සහයෝගිතාව සහ සංවර්ධනය සංවිධානයේ (OECD) සංවර්ධන ආධාර කමිටුවේ වර්තමාන ප්‍රධානී සොල්හයිම් පවසන්නේ ලෝකය සමග සබඳතා පැවැත්වීමට කොටි නායක වේලුපිල්ලේ පිරබාහරන්ට තිබූ ඉඩකඩ LTTE තහනම මගින් අහුරා දමන ලද බවයි.

“අප කළ යුතුව තිබුනේ සම්පුර්ණයෙන්ම එහි අනික් පැත්ත. LTTE ය සමග සම්බන්ධය වැඩිව තිබූ තරමට හොඳයි. ප්‍රභාකරන් සමග කතා කිරීමේ අවස්ථාව දේශපාලන නායකයන් බොහෝ දෙනකුට සැලසුනා නම් දේශපාලන විසඳුමකට එකඟ වීමට ඔහුට බලපෑමක් කරන්න තිබුණු හැකියාව වැඩියි.”

යැයිද ඔහු පවසා තිබේ.

මේ අතර ශ්‍රී ලංකාව සහ නෝර්වේ අතර බිදවැටුණු රාජ්‍යතාන්ත්‍රික සබදතා යළි ගොඩනගා ගැනීම සදහා වසර 9කට පසු නෝර්වේ විදේශ අමාත්‍ය වරයා පසුගිය සතියේ ලංකාවේ සංචාරයක නිරත විය. රජයේ ඉහළපෙලේ නියෝජිතයන් හමුවූ ඔහු ශ්‍රී ලංකාව සම්බන්ධයෙන් වූ එක්සත් ජාතීන්ගේ යෝජනාවෙන් නිර්දේශිත යුධ අපරාධ පරීක්ෂණ ක්‍රියාවලිය ඉක්මනින් ක්‍රියාත්මක කිරීමේ අවශ්‍යතාවය අවධාරණය කර තිබිණි.

Related posts

විපක්ෂ නායක සම්බන්ධන් NGO නඩයක් සමග හමුදා කදවුරකට කඩා පනී.. හමුදාව පොලීසියේ පැමිණිල්ලක් දමයි

colombotoday

නීතිය මහ දවාලේ කෙළෙසූ යහපාලන කෙළි සමග රන්ජන්ගේ හඩ පට තොගය එළියට ආ හැටි මෙන්න..

colombotoday

“මත්පැන් බොන අයට ඡන්දය දෙන්න එපා” – ජනපති

colombotoday

පාර්ලිමේන්තුවේ ආරක්ෂක රැකවල් තර කරයි

colombotoday

විහිළු කරන්න එපා.. බැඳුම්කර හොරකමට කබීර් සම්බන්දයි..

colombotoday

ඥණසාර හිමි අත්අඩංගුවට නොගත් නිසා වයඹ DIGට දඩුවම් මාරුවක් !!

colombotoday