ඊයේ (04) පස්වරු 4.30ට පමණ හක්මන පොලිස් වසමේ කැබිලියපොල ප්‍රදේශයේ සිදුවූ වෙඩි තැබීමකින් පොදුජන පෙරමුණේ ප්‍රාදේශීය සභා මන්ත්‍රීවරයෙකු මියගොස් තිබේ.
යතුරු පැදියකින් සහ වෑන් රථයකින් පැමිණි පිරිසක් විසින් මෙම වෙඩි තැබීම සිදුකර ඇති අතර එහිදී තුවාල ලැබූ මන්ත්‍රීවරයා ගංගොඩගම රෝහලට ඇතුළත් කර ඇත.
රෝහළට ඇතුළත් කිරීමෙන් පසු අසාධ්‍ය තත්වයේ පසුවූ මන්ත්‍රීවරයා ජීවිතක්ෂයට පත්ව ඇති බව හක්මන පොලීසිය සඳහන් කරයි.
ඝාතනයට ලක්ව ඇත්තේ හක්මන නරවැල්පිට උතුර අඹගහවත්තේ පදිංචිව සිටි ලොකු හකුරුගේ ශාන්ත නොහොත් මැණික් ශාන්ත(53) නම් ව්‍යාපාරිකයෙකි.
ඔහු ප්‍රසිද්ධ මැණික් ව්‍යාපාරිකයෙකු ද වන අතර ඝාතනයට ලක්ව ඇත්තේ කැඹිලියපොල ප්‍රදේශයේ ඉඩම් ගණුදෙනුවක් ගැන කතාකිරීමට ගොස් තිබූ අවස්ථාවකය. එම කතාබහ අතරතුර වෑන් රථයකින් සහ යතුරුපැදියකින් පැමිණි නන්නාදුනන පුද්ගලයන් පිරිසක් ටී 56 වර්ගයේ ගිනි අවියකින් වෙඩි තබා ඝාතනය කර ඇතැයි පොලීසිය පවසයි.