නව ප්‍රජාතන්ත්‍රවාදී පෙරමුණ පසුගිය බ්‍රහස්පතින්දා (31දා) මහනුවරදී එළිදැක්වූ ප්‍රතිපත්ති ප්‍රකාශනයේ සිංහල පිටපතේ සඳහන් කරුණුවලට බොහෝ වෙනස් දෑ දෙමළ පිටපතේ සඳහන් කර ඇති බව වාර්තා වේ.
ජාතික ඒකීය භාවය සහ සමානාත්මතාව සඳහන් 61 වැනි පිටුවේ සිංහල පිටපතේ හා දෙමළ පිටපත අතර පැහැදිලි වෙනසක් තිබේ. එක මවකගේ දරුවෝ යන්න පමණක් සිංහල පිටපතේ සඳහන් වුවද දෙමළ පිටපතේ ඒ යටතේ ඇති කොටසට විස්තර අඩංගු කර ඇත. සියලු ආගම් එක ලෙස සලකන බව, දෙමළ භාෂාවෙන් පළකළ ප්‍රතිපත්ති ප්‍රකාශනයේ දැක්වේ.
ව්‍යවස්ථාවේ බෞද්ධ ආගමට ප්‍රමුඛත්වය ලබාදෙන බව සඳහන් වුවද දෙමළ පිටපතේ එවැන්නක් නොමැති බව වාර්තා වේ.
මහරගම සංඝ සම්මේලනයේදී බෞද්ධ ආගමට මුල්තැන දෙන බවට ජනාධිපති ධුර අපේක්ෂක සජිත් ප්‍රේමදාස පොරොන්දු වුවත් දෙමළ පිටපතේ ඒ බවක් සඳහන් කර නොමැත.