ශ්රී ලංකා පොදු ජන පෙරමුණේ ජනාධිපති අපේක්ෂක ගෝඨාභය රාජපක්ෂ මහතාගේ මුල්ම ප්රචාරක රැස්වීම අද අනුරාධපුරයේදී පැවැත්වීමය කටයුතු යොදා ඇත.මෙම ජනරැළිය සදහා සඳහා ශ්රී ලංකා නිදහස් පක්ෂයේ මන්ත්‍රීවරුන් පිරිසක් ද එක්වීමට නියමිතය.ඊයේ පස්වරුවේ පැවැති ශ්‍රීලනිප මන්ත්‍රී හමුවේ දී මෙම තීරණය ගෙන ඇත.ශ්රී ලංකා නිදහස් පක්ෂයේ නිල වශයෙන් ඉදිරි ජනාධිපතිවරණයේදී ගෝඨාභය රාජපක්ෂ මහතාට සහාය දැක්වීමට තීරණය කර ඇත.
ශී‍්‍ර ලංකා පොදුජන පෙරමුණේ ජනාධිපති අපේක්ෂක ගෝඨාභය රාජපක්ෂ මහතාට සහාය පළ කළ යුතු බවට ශ්රී. ල. නි. ප මධ්‍යම කාරක සභාවේදී ගත් තීරණයට අනුව එම මන්ත‍්‍රීවරු මෙලෙස එක්වෙන බවද එම ආරංචි මාර්ග වැඩිදුරටත් සඳහන් කළේය.
ජනාධිපතිවරණ ප්රචාරක රැලිය අද (9දා* පස්වරු 2 ට අනුරාධපුර සල්ගාදු ක‍්‍රීඩාංගණයේදී පැවැත්වේ.
මෙම මංගල රැලියට හිටපු ජනාධිපති, විපක්‍ෂ නායක මහින්ද රාජපක්ෂ ජනාධිපති අපේක්ෂක ගෝඨාභය රාජපක්ෂ, යන මහත්වරුන් ප‍්‍රධාන ශ්රී ලංකා පොදුජන පෙරමුණ ඒකාබද්ධ විපක්‍ෂය නියෝජනය කරන දේශපාලන පක්‍ෂ නායකයෝ සහභාගි වෙති.
ජනාධිපති අපේක්ෂක ගෝඨාභය රාජපක්ෂ මහතා ඇතුළු දේශපාලන පක්‍ෂ නායකයන් අනුරාධපුර ජය ශී‍්‍ර මහා බෝසමිඳුන් හා රුවන්වැලි චෛත්‍ය රාජයාණන් වහන්සේ වැඳපුදාගෙන ආශිර්වාද ලබා ගැනීමෙන් පසු පස්වරුවේ පැවැත්වෙන ජන රැලියට එක්වනු ඇත.