Colombo Today Local News

මධ්‍යම අධිවේගී මාර්ගය ඉදි කිරීමේදී සිදුකල මගඩි රැසක් එලියට

මධ්‍යම අධිවේගී මාර්ගය ඉදි කිරීමේදී අක්‍රමිකතා රැසක් සිදුවී ඇති බව පොදු ව්‍යාපාර පිළිබඳ කාරක සභාව හෙවත් කෝප් කමිටුවේදී අනාවරණය වී තිබේ.

මාර්ගයේ ශක්‍යතා අධ්‍යයනයට පමණක් රුපියල් බිලියන 1.7 කට වැඩි මුදලක් වැය වී ඇති බව අනාවරණය වී ඇත.

පොදු ව්‍යාපාර පිළිබඳ කාරක සභාව ඊයේ (21) පාර්ලිමේන්තුවේදී රැස් වූ අතර එහිදී මෙම අනාවරණයන් සිදුව තිබේ.

මධ්‍යම අධිවේගී මාර්ගයේ කඩවත සිට මීරිගම දක්වා පළමු කොටසේ වැඩ කටයුතු ආරම්භ වීම 2015 සිට 2019 දක්වා ප්‍රමාද වීම නිසා රුපියල් බිලිය 8ක මූල්‍ය අලාභයක් සිදුව ඇති බව එහිදී අනාවරණය වී ඇත.

ශක්‍යතා අධ්‍යයනය සඳහා සමාගම තෝරාගැනීම ප්‍රසම්පාදන ක්‍රියාවලියකින් තොරව සිදුව ඇති බව අනාවරණය වී ඇති අතර 2012 දී උතුරු අධිවේගී මාර්ගය ලෙස පියවර 3 ක් යටතේ පැවති ව්‍යාපෘතිය 2015 වර්ෂය වන විට මධ්‍යම අධිවේගී මාර්ගය ලෙස පියවර 4 ක් යටතේ වෙනස් වී තිබේ.

මෙලෙස මුල් ව්‍යාපෘතිය වෙනස් වීම නිසා සිදුවූ මූල්‍ය අලාභය පිළිබඳ වාර්තාවක් වහාම ලබාදෙන ලෙස කෝප් කමිටුවේ සභාපති මහාචාර්ය චරිත හේරත් මහතා මහාමාර්ග අමාත්‍යාංශයේ ලේකම්වරයාට නියෝග කරනු ලැබීය.

තවද මධ්‍යම අධිවේගී මාර්ගයේ වර්තමාන තත්ත්වය කෝප් සභාපතිවරයා විමසූ අතර එහිදී අනාවරණය වී ඇත්තේ කඩවත – මීරිගම කොටසේ වැඩ කටයුතු සියයට 5 ක ප්‍රමාණයක අවසන් වී ඇති බවය.

මීරිගම සිට කුරුණෑගල දක්වා සියයට 75 ක් වැඩ කටයුතු අවසන් වී ඇති අතර එම කොටසේ ඉදිකිරීම් ලබන වසරේ ජුනි මාසය වන විට අවසන් කළ හැකි බව මහාමාර්ග අමාත්‍යාංශයේ ලේකම්වරයා කෝප් කමිටුව හමුවේ ප්‍රකාශ කර තිබේ.

Related posts

සහරාන් ගැන කාන්තාවන්ට දේශන පැවැත්වූ ලැගුම්හලක් පොලීසියේ පරික්ෂාවට

colombotoday

හෙට පාර්ලිමේන්තු සංකිර්ණයට රැගෙන එන තොන්ඩමන්ගේ දේහය

colombotoday

ප්‍රභාකරන් වගේ, පුතුන් දෙදෙනාත් අරගලයට එක් කරගන්න – නිමල්කා විග්නේෂ්වරන්ට කියයි

colombotoday

කොරෝනා අසාදිතයින්ගේ ගණන 132 දක්වා ඉහළට

colombotoday

වත්තල හැඳල හන්දියේ බත් පැකට් විකිණු වෙළෙන්දාට කොවිඩ් – සෞඛ්‍ය අංශයෙන් ඉල්ලීමක්

colombotoday

ජනවාරියේ පමණක් ඩෙංගු රෝගීන් 7,000සේ සීමාව ඉක්මයි

colombotoday