Colombo Today Local News

බස්නාහිර පළාතේ වාර විභාග ප්‍රශ්න පත්‍ර කලින්ම සිසුන් අතට… ගුරුවරුන්ට කට වහගන්නැයි බලධාරීන් දන්වලා !

මේ දිනවල පැවැත්වෙන පාසල් දෙවන වාර විභාගයේ බස්නාහිර පළාතේ ප්‍රශ්න පත්‍ර බොහෝ ප්‍රමාණයක් විභාගයට පෙර විශේෂ සම්මන්ත්‍රණ මගින් සිසුන් අතට පත්ව තිබෙන බවට වාර්තා වනවා.

අද දින පැවැත්වෙන ඉතිහාස ප්‍රශ්න පත්‍රයේ සියළුම උත්තර සිසුන් විසින් රහසිගත ලෙස කොළවල ලියාගෙන විභාග ශාලාවලට පැමිණ සිටි බව විභාග ශාලා වල සිටි ගුරුවරුන් බොහෝ දෙනෙකුගෙන් අප වෙත වාර්තා වී ඇත.

සිංහල ඉංග්‍රීසි සහ විද්‍යාව ගණිතය වැනි විෂයන් ද මේ ආකාරය පිට වී තිබූ අතර බොහෝ සිසුන් උත්තරපත්‍ර ගෙදරින් ලියා ගෙන පැමිණි තිබූ බව බස්නාහිර පළාතේ පාසල් කිහිපයකින්ම වාර්තා විය.

බොහෝ සිසුන් පවසන්නේ “අපට මේ පේපරේ සෙමිනා එකෙන් ලැබුණා“ යනුවෙනි. ජයවර්ධනපුර කොළඹ පිලියන්දල කලාප කාර්යාල නියෝජිතවරුන් ගෙන් විමසූ විට අපට දැනගන්නට ලැබුණේ ප්‍රශ්න පත්‍ර අඩංගු සී ඩී තැටි කොහෙන් හෝ නිකුත් වී ඇති බවත් ඔවුන්ට ඒ සඳහා වග කිව නොහැකි බවයි.

ගුරු සංගම් නියෝජිතයකු අප හා පැවසුවේ මේ පිළිබඳව සාක්ෂි සහිතව දැන දැනත් බලධාරීන් මේ සියලු විභාග පවත්වන බවයි. මේ පිළිබදව අදාල බලධාරීන් දැනුවත් කිරීමට ගුරුවරුන් කටයුතු කර ඇතත් ඔවුන්ට නිහඩව සිටින්නැයි බලධාරීන් පවසා ඇති බවද දැනගන්නට ලැබී තිබේ.

සිසුන් රහසිගතව සටහන් කරගෙන ආ උත්තර පත්‍රිකා කිහිපයක් මෙහි දැක්වෙයි.

Related posts

විදුලි ඇමතිට රට ගමන් තහනම්.. ජනපතිගෙන් නියෝගයක්

colombotoday

හාල් ඇටයක් ගේන්නේ නෑ කිවුවට හිඟයක් ආපු නිසා ගේන්න වුනා

Admin

මිනුවන්ගොඩ බ්‍රැන්ඩික්ස් සේවකයන්ට තවත් නියෝගයක් : අද පස්වරු 6.00 ට වාර්තා කරන්න

colombotoday

බෝම්බ පිපිරීමක් ගැන පොලිස්පති ආරක්ෂක ලේකම්වරයාට යැවූ ලිපියක් අනුර හෙළි කරයි

colombotoday

සහරන්ගේ ලිපිගොනුව භාරව සිටියේ නීතිපතියේ මලික් අසීස්. අධීක්ෂණය අසාද් නවාවි. | උපදෙස් දීමට තරම් කරුණු තිබ්බේ නෑ. කොමිසමට කියයි.

colombotoday

පාඩුව පියව ගන්න පෙට්‍රල් – ඩීසල් වැඩිවෙන මිල මෙන්න

colombotoday