එළඹෙන පළාත් පාලන මැතිවරණය 70%ක් කොට්ඨාස ක්‍රමයටත් 30%ක් සමානුපාතික ක්‍රමයටත් පවත්වන බව පළාත් සභා සහ පළාත් පලන අමාත්‍ය ෆයිසර් මුස්තාපා මහතා පවසනවා. මේ වන විට කොට්ඨාස නිර්ණය කිරීමේ කටයුතු අවසන් ව ඇති බවත් ඒ සම්බන්ධයෙන් පැන නැගී ඇති ගැටළු තව දුරටත් සාකච්ඡාවට ලක් කරමින් සිටින බව අමාත්‍යවරයා පවසනවා.
ජනාධිපතිවරයා සහ අගමැතිවරයා එක්ව මේ පිළිබදව සාකච්ඡා කර එකගතාවයකට පැමිණෙන බව ද හෙතෙම සදහන් කර සිටියා. කොට්ඨාසයකට වග කියන මන්ත්‍රීවරයෙකු ජනතාව දිගින් දිගටම ඉල්ලා සිටීමට විසදුමක් වශයෙන් මෙම කොට්ඨාස ක්‍රමය හදුන්වා දී ඇති බවයි රාජගිරිය ප්‍රදේශයේ පැවැති උත්සවයකට සහභාගී වෙමින් අමාත්‍යවරයා කියා සිටියේ.