Colombo Today Local News

නිල ඇඳුම් වෙනුවට වවුචර් දීමෙන් මිලියන 538.5 ක අමතර වියදමක්‌ දරලා – විජයදාස රාජපක්‍ෂගෙන් පැමිණිල්ලක්‌

අධ්‍යාපන අමාත්‍යාංශය විසින් 2018 වසරේදී පාසල් දරුවන්ට නිල ඇඳුම් වෙනුවට වවුචර් ලබාදීම නිසා රජයට රුපියල් මිලියන 538.5 ක අමතර මුදලක්‌ දැරීමට සිදු වී ඇති බව හිටපු අමාත්‍ය පාර්ලිමේන්තු මන්ත්‍රී විඡේදාස රාජපක්‍ෂ මහතා ජනාධිපති පරීක්‍ෂණ කොමිෂන් සභාව වෙත පෙත්සමක්‌ යොමු කරමින් සඳහන් කර ඇත.

පාසල් දරුවන්ට පෙර පැවැති ක්‍රමයට නිල ඇඳුම් ලබාදුන්නා නම් රජයට දැරීමට සිදුවන වියදම රුපියල් මිලියන 2145.5 ක්‌ වන බවත් නිල ඇඳුම් වෙනුවට වවුචර් ලබාදීම නිසා රජයට රුපියල් මිලියන 2685 ක වියදමක්‌ දැරීමට සිදුවුණ බවත් එහි සඳහන් කර ඇත.

අධ්‍යාපන අමාත්‍යාංශයේ එම තීරණය නිසා රජයට සහ ජනතාවට රුපියල් මිලියන 538.5 ක අමතර මුදලක්‌ දැරීමට සිදුවීමට අමතරව වවුචර් ලබාදීම නිසා නිමි ඇඳුම් පිටරටින් ගෙන්වීමට සිදුවීම නිසා විදේශිකයන්ට රුපියල් මිලියන 1044 ක මුදලක්‌ ඇදී යැම නිකුත් කළ වවුචර් නිකුත් කිරීමේ අරමුණින් පරිබාහිරව වෙනත් කූට ව්‍යාපාරවලට යොදා ගැනීමට ඉඩ සැලසීම වවුචර් මුද්‍රණය කිරීම සඳහා වැය වූ මුදල වූ රුපියල් මිලියන 11 න් 50% ක්‌ දේශපාලනඥයන්ගේ වර්ණ ඡායාරූප ඊට ඇතුළත් කිරීම සඳහා වැයවීම, වවුචර් මගින් ලැබෙන ඇඳුම් එකම ප්‍රමිතියකින් යුක්‌ත නොවීම, වවුචර් මගින් ඇඳුම් ලබාගැනීමේදී දෙමවුපියන්ට අමතර වශයෙන් ගමන් වියදම් සහ ශ්‍රමය වැය කිරීමට සිදුවීම ආදී කරුණු ද පෙත්සමේ සඳහන් කර ඇත

විජයදාස රාජපක්‍ෂ මහතා විසින් යොමු කර ඇති මෙම පෙත්සම මූලික පරීක්‍ෂණ සඳහා පොලිස්‌ ඒකකයට යොමුකර ඇති බවත් වාර්තා වේ.

Related posts

ඉන්දියාවට දුන් තෙල් ටැංකිවලට සත පහක්වත් ගෙවා නෑ..!!

colombotoday

බදු නොගෙවූ අරක්කු සමාගම්වල බලපත්‍ර අහෝසි කරන්න නියෝග

Admin

පොල් පැළ හිගයක්. 2020 වසරේදී පොල් වගා කිරීමේ මණ්ඩලයේ පැළ තවාන්වලින් පැළ ලක්ෂ 20ක් නිකුත් කරලා.

colombotoday

මන්ත්‍රී ආරක්ෂක සැරයන්ගේ පිස්තෝලය සොරා ගත් පුද්ගලයා අත්අඩංගුවට

Admin

බලය බෙදන ව්‍යවස්ථාව ඕනමයි.. ශ්‍රීලනිප පිං ඇමතිලා ජනමත විචාරණයට බාධාවක්

colombotoday

පාර්ලිමේන්තු සැසිවාරය කුමන හේතුවක් නිසාවත් අවසන් කරන්නේ නෑ – ජනපති

colombotoday