ජාතික උරුමයක් බවට පත්කළ ත්‍රිපිටකය ලෝක උරුමයක් බවට පත්කිරීමට අදාළ යෝජනාව එළැඹෙන 23 දා එක්සත් ජාතීන්ගේ අධ්‍යාපනික, විද්‍යාත්මක හා සංස්කෘතික සංවිධානය වන යුනෙස්කෝ සංවිධානය වෙත භාරදීමට රජය අපේක්ෂා කරයි.
එය සාර්ථක කර ගැනීම සඳහා එළැඹෙන 16 දා සිට 23 දා දක්වා කාලය තු ත්‍රිපිටකාභිවන්දනා නමින් දීප ව්‍යාප්ත වැඩසටහනක් ජනතා සහභාගිත්වයෙන් පැවැත්වීම, ත්‍රිපිටකය ලෝක උරුමයක් ලෙස ප්‍රතිග්‍රහණය කිරීම සඳහා වන ජාතික මහෝස්තවය මහනුවර ශ්‍රී දළදා මාළිගාවේ මහ මළුව පරිශ්‍රෙය් පැවැත්වීමටත් රජය අපේක්ෂා කරයි.
ඒ සඳහා අවශ්‍ය පහසුකම් සලසා ගැනීම සඳහා ජනාධිපති මෛත්‍රීපාල සිරිසේන මහතා විසින් ඉදිරිපත් කළ යෝජනාවට කැබිනට් අනුමැතිය ලැබී තිබේ.
පාලිභාෂාවෙන් හා සිංහල භාෂාවෙන් ලේඛණ ගත අට්ඨකතා සහිත ත්‍රිපිටකය පසුගිය ජනවාරි 5 දා මාතලේ අලුවිහාරයේදී ජාතික උරුමයක් ලෙස ප්‍රකාශ කළ අතර එදින උත්සව සභාව ඇමතූ ජනපති මෛත්‍රිපාල සිරිසේන මහතා ප්‍රකාශ කළේ ත්‍රිපිටකය ලෝක උරුමයක් ලෙස පත්කිරිමටත් පියවර ගන්නා බවයි. ත්‍රිපිටකය ජාතික උරුමයක් බවට පත්කිරීමේ ගැසට් නිවේදනය පෙබරවාරි 7 දා නිකුත් කෙරිණ.