ත්‍රස්ත විමර්ශන කොට්ඨාසයේ හිටපු අධ්‍යක්ෂ හිටපු නියෝජ්‍ය පොලිස්පති නාලක ද සිල්වා මහතා ලබන 11 වැනිදා තෙක් යළි රක්ෂිත බන්ධනාගාර ගතකරන ලෙස කොළඹ කොටුව මහේස්ත්‍රාත් රංග දිසානායක මහතා අද(05) නියෝග කර තිබේ.
ජනාධිපතිවරයා සහ හිටපු ආරක්ෂක ලේකම්වරයා ඝාතනය කිරීමට කුමන්ත්‍රණය කිරීමේ චෝදනාව යටතේ නාලක ද සිල්වා මහතා රක්ෂිත බන්ධනාගාර ගතව සිටින අතර අද දින ඔහු ගිලන් රථයකින් අධිකරණය වෙත පැමිණ ඇත.
එම සිද්ධියටම අදාලව අත්අඩංගුවට ගෙන සිටින ඉන්දීය ජාතිකයා ද ලබන 11 වැනිදා දක්වා රක්ෂිත බන්ධනාගාර ගත කරන්නැයි කොළඹ කොටුව මහේස්ත්‍රාත් රංග දිසානායක මහතා නියෝග කර තිබේ.