ශ්‍රී ලංකාවේ පවත්නා අනෙකුත් සමාජ හා ආර්ථික ගැටළුවලට සාපේෂව ඉදිරියට යන නිහඬ, නමුත් වර්ධනය වන ගැටළුවක්‌ ලෙස අපද්‍රව්‍ය කළමනාකරණය පිළිබඳව ගැටළුව පෙන්වාදිය හැකිය.
දිවයින තුළ මෙම ගැටළුව හුදෙක්‌ පාරිසරික හා සෞඛ්‍ය ගැටළුවලට පමණක්‌ සීමා නොවී ප්‍රබල සමාජ ගැටළුවක්‌ බවටද අද වනවිට පත්ව තිබෙනවා.එහිදි කොළඹ කුණු ගැන මුළු රටම අවදියෙන් සිටින බවක් විශේෂයෙන් දැකගතහැකි කරුණකි.
කෙසේ වෙතත් කුණුකසළ ගැටළුවට විසඳුමක් ලෙස මහනුවර දොළුව ප්‍රදේශයේ තරුණයෙකු වන විකුම් සම්පත් දිඹුල්ගස්තැන්න විසින් දිනකට කසළ ට්‍රැක්ටර් ට්‍රේලර් 300ක කසළ (ඝන ද්‍රව්‍ය, ප්ලාස්ටික්, යකඩ හා පොලිතින්, සත්ව ඇටකටු) ප්‍රතිචක්‍රීයකරණය කොට කුඩා කැබලි කිරීමට හැකි දැවැන්ත යන්ත්‍රයක් නිපදවා තිබේ.
මේ පිළිබඳව බස්නාහිර පළාත් ආණ්ඩුකාරවරිය වන විශේෂඥ වෛද්‍ය සීතා අරඹේපොල මහත්මියගේ අවධානය යොමුව තිබේ.
ඒ සදහා කමිටුවක්ද අරඹේපොල මහත්මිය විසින් පත් කර ඇති අතර එහිදි කුණු කසල ගැටළුවට ප්‍රායෝගික විසඳුමක් ලෙස මෙම යන්ත්‍රය යොදාගත හැකි ආකාරය පිලිබදව අවධානයට යොමුවෙයි.