නව අමාත්‍ය මණ්ඩලය පත් කිරීමේදී එක්සත් ජාතික පක්ෂයේ හිටපු ප්‍රබල අමාත්‍යවරයෙකුට මෙවර අමාත්‍යධූරයක් නොදෙන බව ජනාධිපති මෛත්‍රීපාල සිරිසේන මහතා ශ්‍රී ලංකා නිදහස් පක්ෂ මධ්‍යම කාරක සභා රැස්වීමේදී ප්‍රකාශ කර ඇතැයි වාර්තා වේ.
ශ්‍රී ලංකා නිදහස් පක්ෂයේ මධ්‍යම කාරක සභාව අද (18) රාත්‍රීයේ ජනාධිපති ලේකම් කාර්යාලයේදී පැවැති අතර එහිදී ජනාධිපතිවරයා මේ බව සඳහන් කර තිබේ.
එම හිටපු ඇමැතිවරයා එක්සත් ජාතික පක්ෂයේ ජාතික ලැයිස්තුවෙන් පත්ව සිටින අතර ඔහු පසුගිය කාලය පුරාම ජනාධිපතිවරයා දැඩි ලෙස විවේචනය කළ මන්ත්‍රීවරයෙකු බවද පැවැසේ.
එම මන්ත්‍රීවරයාගේ ක්‍රියාකලාපය සම්බන්ධයෙන් දැඩි විරෝධය පළකර ඇති ජනාධිපතිවරයා ඔහුට අමාත්‍යධූරයක් නොදීමට තීරණය කර ඇතැයිද සඳහන් කර ඇත.