Colombo Today Local News

අවස්ථාවෙන් ප්‍රයෝජන ගෙන විධායකය අහෝසි කළ යුතුයි

විධායක ජනාධිපති ක‍්‍රමය අහෝසි කිරීමට ජනාධිපතිවරයා හා විපක්‍ෂනායකවරයාත් එකඟ වී ඇති මෙම අවස්ථාවේ ඔවුන්ගේ දේශපාලන අරමුණ කුමක් වුවත් එය කළ යුතු යැයි පාර්ලිමේන්තු මන්ත‍්‍රී ජනාධිපති නීතීඥ ජයම්පති වික‍්‍රමරත්න මහතා පැවසීය.

රටේ ප‍්‍රධාන නායකයින් තිදෙනාගෙන්ම කැමැත්ත ලැබී ඇති මෙම කාරණය නොකෙරෙන වෙදකමක් කර නොගෙන ලැබෙන අවස්ථාවෙන් ප‍්‍රයෝජන ගෙන විධායකය අහෝසි කිරීම ඇතුළු එකඟ විය හැකි කාරණා ඇතුළත් ව්‍යවස්ථා සංශෝධනයක් ගෙන ආ යුතු බව ද ජයම්පති වික‍්‍රමරත්න මහතා සඳහන් කළේය.

පාර්ලිමේන්තුවේ තුනෙන් දෙකක බලය ලැබුණොත් එළඹෙන ජනාධිපතිවරණයට පෙර එම කටයුතු කළ හැකි බව ද හෙතෙම කියා සිටියේය.

මන්ත‍්‍රීවරයා මේ බව පැවසුවේ රාජගිරියේ පිහිටි සාධාරණ සමාජයක් සඳහා වූ ජාතික ව්‍යාපාර කාර්යාලයේදී අද  පැවති මාධ්‍ය හමුවක් අමතමිනි.

එහිදී වැඩිදුරටත් අදහස් දැක්වූ මන්ත‍්‍රීවරයා මෙසේ ද කියා සිටියේය.

‘‘විධායක ජනාධිපති ක‍්‍රමය අහෝසි කිරීම සඳහා ජනාධිපතිතුමා සහ විපක්‍ෂනායකතුමා එකඟ වී ඇති බව මාධ්‍යවල වාර්තා කර තිබුණා. ඒ අනුව මේ වන විට රටේ ප‍්‍රධාන නායකයින් තිදෙනාම එයට එකඟයි. විධායක ජනාධිපති ක‍්‍රමය අහෝසි කිරීමට එක්සත් ජාතික පක්‍ෂය සූදානම් බව එහි නායක, අගමැති රනිල් වික‍්‍රමසිංහ මහතා කිහිපවරක්ම ප‍්‍රකාශ කර තිබෙනවා.

          නමුත් ශ්‍රී ලංකා නිදහස් පක්‍ෂය හා එක්සත් ජනතා නිදහස් සන්ධානය මේ ගැන පැහැදිලි ස්ථාවරයක් මෙතෙක් දක්වා නැහැ. සාධාරණ සමාජයක් සඳහා වූ ජාතික ව්‍යාපාරයේ නිර්මාතෘවරයා වූ මාදුළුවාවේ සෝභිත හිමියන් දිගු කාලයක් තිස්සේ විධායක ජනාධිපතික‍්‍රමය අහෝසි කිරීම වෙනුවෙන් කතා කළා. ඒ අනුව 2015 ජනාධිපතිවරණයේ ප‍්‍රධාන සටන් පාඨය බවට එය පත්කරගැනීමට උන් වහන්සේට හැකිවුණා. එහෙත් තුනෙන් දෙකක බලයක් නොවූ නිසා විධායක ජනාධිපතික‍්‍රමය අහෝසි කිරීම වෙනුවට ජනාධිපතිවරණයෙන් පසු එහි යම් බලතල කිහිපයක් පමණක් ඉවත් කළා. 

Related posts

විශිෂ්ඨ බුද්ධි විරුවෙකු මත පාස්කු ප්‍රහාරය පැටවීමේ සිරිල් ගාමිණි පුජක තුමාගේ කතාව CIDයට

colombotoday

බදු වැඩි කිරීම ගැන හිටපු ජනපතිගෙන් නිවේදනයක්

colombotoday

ඉදිරි මැතිවරණයට ශ්‍රීලනිප – TNA ඒකාබද්ධ සන්ධානයක් ?

colombotoday

ක්‍රීඩකයන් 9ට නිලධාරීන් 46ක් ඔලිම්පික් ගිහින්.. එහෙම වුණේ කොහොමද? අගමැති අසයි

colombotoday

ප්‍රධාන දුම්රිය මාර්ගයේ වර්ණ සංඥා කේබල් සොරකම් කළ දෙදෙනෙකු කොටු

colombotoday

අන්තර්ජාතික සබඳතා වඩා ශක්තිමත් වීමට ථේරවාදි බෞද්ධ දර්ශනය පිටුවහලක් වූනා – ජනපති.

colombotoday