චන්ද්‍රයා මත ස්ථීර ජනාවාස ඇති කිරීමේ අරමුණින් එහි දකුණු ධ‍්‍රැවය වෙත ගොඩබැසීමට රුසියාව සහ යුරෝපා අභ්‍යාවකාශ ආයතන එකඟත්වයකට පැමිණ තිබේ.
එම එකඟත්වයකට අනුව ඉදිරි 5 වසරක කාලය තුළ නව චන්ද්‍ර ගවේෂණ වැඩසටහන ආරම්භ කිරීමට නියමිතයි.
එය නම් කර ඇත්තේ ලූනා 27 ලෙසයි.
ඒ සඳහා චන්ද්‍රයා වෙත යවන අභ්‍යාවකාශ යානා මගින් ඉන්ධන සහ ඔක්සිජන් නිපදවීම සඳහා සඳ මත ජලය සහ අනෙකුත් අමුද්‍රව්‍ය පවතින්නේ දැයි සොයා බලනු ඇති.
රොස්කොස්මොස් හෙවත් රුසියානු අභ්‍යාවකාශ ආයතනය සඳ වෙත නැවතත් මිනිසුන් යැවීමේ වැඩසටහටනේ මූලිකත්වය ගෙන ඇති බව ද සදහන්.
එමගින් 70 දශකයේදී නතර වූ රුසියානු චන්ද්‍ර ගවේෂණ වැඩසටහන යළි ආරම්භ කිරීමට නියමිතයි.
එහෙත් නිරවි යුද සමයේදී මෙන් නොව මෙම වැඩපිළිවෙල සදහා යුරෝපා අභ්‍යාවකාශ ආයතනයේ සහාය ලබා ගැනීමට රුසියාව අපේක්ෂා කරයි.
