ශ්රී ලංකා පොලිසියේ නිලධාරියෙකු බව සඳහන් කරමින් ජාත්‍යන්තර පොලිස් සංගමයේ කොළඹ කාර්යාලයෙන් ඉන්ටපොල්(interpol) හැඳුනුම්පතක් ලබා ගැනීමට උත්සහ කල මුස්ලිම් ජාතිකයෙකු අද (16) අත්අඩංගුවට ගෙන තිබෙනවා.
තමන් පොලිස් නිලධාරියෙකු බව සඳහන් කරමින් මුස්ලිම් ජාතික පොලිස් නිලධාරියෙකුට අයත් අංකයක් ද මෙම තැනැත්තා ඉදිරිපත් කර ඇත. සැකකරු කොළඹ 12 ප්‍රදේශයේ පදිංචි 23 වියැති මොහොමඩ් ශකීල් මොහොමඩ් බිලාල් ලෙස හඳුනාගෙන ඇත.
මෙම තැනැත්තා පිළිබඳව සැක සිතූ නිලධාරීන් ඔහු පොලිසියට බාර දී ඇති අතර 2018 වසරේදී ඉංදියාවට ගොස් සිටියදී එරටින් පිටුවහල් කරන ලද පුද්ගලයෙකු බවට ද හඳුනාගෙන ඇත.
අද දිනයේදී මෙම තැනැත්තා අධිකරණයට ඉදිරිපත් කිරීමට නියමිතව ඇති බව ද ආරංචි මාර්ග සඳහන් කරයි.