පසුගිය දා සමාජ මාධ්‍ය ඔස්සේ ආන්දෝලනාත්මක වූ එක්සත් ජාතික පක්ෂ වෙන්නප්පුව ප්‍රාදේශිසභා මන්ත්‍රීනී දුලක්ෂි ප්‍රනාන්දුගේ පියා නීතිවිරෝධී මත්පැන් තොගයක් සමගින් පොලිසිය විසින් අත්අඩංගුවට ගෙන තිබෙනවා.
මත්පැන් නීති විරෝධී මත්පැන් බෝතල් 48ක් සමගින් ඔහු අත්අඩංගුවට ගෙන ඇත්තේ වෙන්නප්පුව ප්‍රදේශයේදීයි.
අදාළ මන්ත්‍රීවරිය ද පසුගියදා පොලිස් නිලධාරීන්ගේ රාජකාරියට බාධා කළැයි අත්අඩංගුවට ගෙන රක්‍ෂිත බන්ධනාගාරගත කිරීමෙන් පසු ඇප මත නිදහස් වී සිටිනවා.
ඇගේ නැගණිය රියදුරු බලපත්‍රයක් රහිතව යතුරුපැදියක් ධාවනය කිරීමේදී වෙන්නප්පුව, සීනෝර් හන්දිය ප්‍රදේශයේදී පොලිස් නිලධාරීන් විසින් ඇය නතර කොට රාජකාරි කටයුතු සිදුකරමින් සිට ඇති අතර පසුව එම ස්ථානයට පැමිණි ඇගේ සහෝදරිය වන වෙන්නප්පුව ප්‍රාදේශීය සභාවේ එජාප මන්ත්‍රීවරිය කළහකාරීව හැසිරෙමින් පොලිස් රාජකාරිවලට බාධාකර තිබුණා.
ඩොන් ශ්‍යාම්