Colombo Today Local News

වැලිකඩ බන්ධනාගාර නිලධාරීන් දෙදෙනෙක් ගැටෙයි.. නියාමකයෙක් රෝහලේ

වැලිකඩ බන්ධනාගාරයේ නියාමකවරයෙකුට එම බන්ධනාගාරයේ කොමසාරිස්වරයෙකු විසින් පහරදුන් බව කියන සිද්ධිය සම්බන්ධයෙන් විමර්ශනයක් ආරම්භ කර ඇති බව බන්ධනාගාර දෙපාර්තමේන්තුව පවසයි.

ඊයේ (28)දින රාත්‍රියේ වැලිකඩ බන්ධනාගාරයේ ප්‍රධාන පිවිසුමේ රාජකාරී කටයුතුවල නිරතව සිටි අදාළ නියාමකවරයා සහ බන්ධනාගාර කොමසාරිස්වරයා අතර බහින්බස්වීමක් සිදුව ඇත.

පසුව එය ගැටුමක් දක්වා දුරදිග ගොස් කොමසාරිස්වරයා විසින් නියාමකවරයාට පහරදී ඇති අතර ඔහු මේ වන විට ප්‍රතිකාර සඳහා කොළඹ ජාතික රෝහල වෙත ඇතුළත් කර ඇති බව බන්ධනාගාර කොමසාරිස් (පාලන), චන්දන ඒකනායක මහතා සඳහන් කරයි.

පහරකෑමට ලක් වු නියාමකවරයාගේ තත්ත්වය බරපතළ නොවන බව වාර්තා වේ.

අදාළ සිද්ධිය සම්බන්ධයෙන් විමර්ශන සිදුකිරීම සඳහා බන්ධනාගාර කොමසාරිස්වරයෙකුගේ ප්‍රධානත්වයෙන් කණ්ඩායමක් පත්කිරීමට බන්ධනාගාර කොමසාරිස් ජනරාල් තුෂාර උපුල්දෙණිය මහතා පියවර ගෙන තිබේ.

සිද්ධියට අදාළ බන්ධනාගාර කොමසාරිස්වරයාගෙන් මේ වන විට ප්‍රකාශයක් ලබාගෙන ඇති බව වාර්තා වේ.

Related posts

පොලිස්පතිගේ සේවා දිගුව ආණ්ඩුක්‍රම ව්‍යවස්ථා සභාවට

Admin

ගවයන් සිටියත් අපට අවශ්‍ය වැඩකටයුතු සිදුවන්නේ නැහැ – අගමැති

colombotoday

ගිනිඅවි දුන්නොත් සල්ලි තමයි… රජයෙන් හිමිවන මුදල මෙන්න

colombotoday

යුරෝපා සංගමයට අයත් රටවල් තුළට ශ‍්‍රී ලාංකිකයන්ට ඇතුළු වීම තහනම් කරයි

colombotoday

හිරුණිකාත් රනිල්ට එරෙහි වෙයි..

colombotoday

ගංවතුර වළකන්න වසර 50කට පෙර ගෙනා සැලසුම් තවම ක්‍රියාත්මක කරගන්න බැරිවුණා

colombotoday