Colombo Today Local News

වරායේ 55 පැන්න අධ්‍යක්ෂ තියා ගන්න සාගලගෙන් සංදේශ තුනක්

ශ්‍රී ලංකා වරාය අධිකාරියේ විශ්‍රාම යාමේ වයස් සීමාව ඉක්මවා සිටින මානව සම්පත් සංවර්ධන අධ්‍යක්ෂවරයාගේ නිල කාලය දීර්ඝ කරන ලෙස ඉල්ලා වරාය සහ දක්ෂිණ සංවර්ධන අමාත්‍ය සාගල රත්නායක 2019 වසර තුළ පමණක් ඇමැති මණ්ඩල සංදේශ තුනක් ඉදිරිපත් කර ඇත.

මෙම නිලධාරියා විශ්‍රාම යාමට නියමිතව තිබුණේ මෙම වසරේ පෙබරවාරි මාසයේදීය. නමුත් පෙබරවාරි 27 වැනි දින ඇමැති මණ්ඩල සංදේශයක් ඉදිරිපත් කර සේවා කාලය දීර්ඝ කරන ලෙස ඉල්ලා තිබේ. එම ඇමැති මණ්ඩල සංදේශයට දැඩි ලෙස විරෝධය පළ කළ ඇමැති අර්ජුන රණතුංග මෙම නිලධාරියා විසින් සිදුකළ දූෂණ හා වංචා ඇතුළත් ලිපි ගොනුවක්ද ඇමැති මණ්ඩලයට ලබාදී ඇත. එහිදී අනුමැතිය නොලැබුණත් විෂය භාර ඇමැතිවරයා 2019 මැයි 02 වැනි දින ඇමැති මණ්ඩලයට යළි ලිපියක් යොමු කරමින් ඔහුට මාස තුනක සේවා දිගුවක් ලබා ගෙන ඇත. එම මාස තුනක කාලය අවසන් වන විට පසුගිය 27 වැනි දින විෂය භාර ඇමැතිවරයා යළි ඇමැති මණ්ඩල සංදේශයක් ඉදිරිපත් කර තිබේ.

මෙම තනතුර සඳහා සුදුසු අයකු බඳවා ගන්නා ලෙසට ඇමැති මණ්ඩලය තීරණය කර ඇතත් එම අනුමැතිය ක්‍රියාත්මක නොකිරීමට විෂය භාර ඇමැතිවරයා පියවර ගෙන ඇත.

Related posts

යහපාලන දූෂණ මර්ධන කමිටුව මහජන මුදල් කෝටි තුනකට වැඩි ප්‍රමාණයක් ලබා ගත් බව හෙළිවේ

colombotoday

F & G තැන්පත්කරුවන් කබලෙන් ලිපිට.

colombotoday

උලමා සභාව කියන්නේ පට්ටපල් බොරු – ආරක්ෂක අමාත්‍යාංශයෙන් ලිපියක්..

colombotoday

රන්ජන්ට බන්ධනාගාර නිලධාරීන්ගෙන් අවවාද

colombotoday

යහපාලන සම්මුතිය කම්මුතුයි… ඉතිරි දෙවසර අදින්න “අන්තර් පාලන රජයක්” එයි…

colombotoday

මාළු ගණන් උස්සයි

colombotoday