Colombo Today Local News

රේගු අධ්‍යක්ෂවරියට රේගු මාෆියාව එක්ක හැප්පෙන්න බැරිවුණා – තනතුරෙන් ඉවත් කිරීමට හේතු මංගල සමරවීර කියයි

ප්‍රභාකරන්ටවත් බය නැතුව වැඩකරපු යකට ගැහැණියක වන චාල්ස් මහත්මියට සහ රේගුවේ ජාවාරම්කාර මාෆියාවක් එක්ක හැප්පෙන්න බැරිවුණා.ඒ නිසා එතුමිය රේගුවෙන් ඉවත් කර හිටපු තනතුරටත් වඩා උසස් තනතුරක් ලබාදීමට තීන්දු කර තිබුණා.

ඒත් මහා ප්‍රශ්නයකට යෑමට අකමැති හෙයින් එම කැබිනට් පත්‍රිකාව ඉවත්කරගත්තා යැයි මුදල් හා ජනමාධ්‍ය අමාත්‍ය මංගල සමරවීර මහතා කොළඹ මුදල් අමාත්‍යාංශයේ අද (6) පැවැති ප්‍රවෘත්ති සාකච්ඡාවකදී පැවැසීය.

එම ප්‍රවෘත්ති සාකච්ඡාවේදී මංගල සමරවීර මහතා මෙසේද පැවැසීය.

රේගු අධ්‍යක්ෂ ජනරාල් චාල්ස් මහත්මිය වෙනත් උසස් තනතුරකට පත් කරන්න අපි සාමාන්‍ය පිරිපාලන තීන්දුවක් ගත්තා ඒකාබද්ධ විපක්ෂයේ උදවියයි රාජපක්ෂලයි ඒක මහා දේශපාලන කුණාටුවක් බවට පත්කරන්න උත්සහ ගත්තා.

චාල්ස් මහත්මිය ඉතාම දක්ෂ නිලධාරිනියක් එතුමිය දිනකට වැඩි කාලයක් රාජකාරීවල නිරත වෙනවා.ඒත් මාෆියාව මෙල්ල කරන්න බැරි වුණා ඒකද එතුමියගේ අඩුවක් නෙවෙයි වරායේ මාෆියාව ඒ තරම් වැඩි.

රේගුවයි සුරාබදු දෙපාර්තමේන්තුවයි දේශීය ආදායම් දෙපාර්තමේන්තුවයි යන මේ රටේ ප්‍රධානතම ආදායම් ලබන ආයතන තුනම අධීක්ෂණය කරන අලුත් ඉහළ තනතුරක් හදලා එතුමිය පත්කරන්නයි කටයුතු කළේ.

රේගු අධ්‍යක්ෂ ජෙනරාල් තනතුරට වඩා  ඒක ඉහළ තනතුරක්.ඒක කරන්න බැරිවුණා මහින්ද රාජපක්ෂ , දයාසිරි ජයසේකර,තිලංග සුමතිපාල සහ ඩලස් අලහල්පෙරුම යන මන්ත්‍රීවරු චාල්ස් මහත්මිය වෙනුවෙන් කිඹුල් කඳුලු හැළුවා.හැබැයි එදා හිටපු අගවිනිසුරු ශිරාණි බණ්ඩාරනායක එළියට දානකොට ඔය කිඹුල් කඳුලු හැළුනේ නෑ.

රේගුව 2015 වසරේදී රුපියල් බිලියන 788 ක් 2016 දී රුපියල් බිලියන 881 ක් සහ 2018 රුපියල් බිලියන 921 ආදී වශයෙන් ආදායම් ලැබුවා.

ඒත් අපේ ඉලක්කය වුණේ රුපියල් බිලියන 1068 ක් ඒ ඉලක්ක වලට යන්න බැරිවුණා. ඉලක්ක කළ ආදායම රේගුවට ගන්න බැරි වුණා.

Related posts

හෙටින් ආරම්භ වන එක්දින තරගාවලියේ සංචිතය

Admin

නිධානයකින් ගත් මැණික් සමග සැකකරුවන් සිව් දෙනෙකු අත්අඩංගුවට.

colombotoday

කඩිනමින් එන්නත් ක්‍රියාවලිය සිදු කරන්නැයි ලෝක සෞඛ්‍ය සංවිධානයෙන් නිවේදනයක්

colombotoday

රාඩා නඩුවෙන් ටිරාන් අලස් ඇතුළු විත්තිකරුවන් 4 දෙනෙකු නිදහස්

colombotoday

වයින් ස්ටෝර්ස් හා බීර වර්ග අලෙවි ස්ථාන විවෘත කිරීමට අවසර..

colombotoday

ත්‍රිරෝද රථයක් සැඬ පහරකට හසු වී අයෙක් මරුට

colombotoday