කෘෂිරසායනික වකුගඩු රෝගය දකුණු පළාතේ ප්‍රදේශ කිහිපයක ව්‍යාප්තවීමේ අවදානමක් මතුව ඇති බව පර්යේෂණයකින් අනාවරණය වී තිබේ.
හම්බන්තොට දිස්ත්‍රික්කයේ ලුණුගම්වෙහෙර, අගුණකොළපැලැස්ස, බඳගිරිය යන ප්‍ර දේශවල මෙම අවදානම මතුව ඇති බව රජරට විශ්ව විද්‍යාලයේ ජ්‍යෙෂ්ඨ කථිකාචාර්ය වෛද්‍ය චන්න ජයසුමන මහතා සඳහන් කරයි. මේ පිළිබඳව ඉදිරියේ දී පැවැත්වෙන වකුගඩු රෝග පිළිබඳ ජාත්‍යන්තර සමුළුවේ දී සෙසු රටවල විශේෂඥයින් සමග තොරතුරු හුවමාරු කර ගැනීමට බලාපොරොත්තු වන බව ද ඒ මහතා කියා සිටියේය.