World

යෝෂිහිඩේ සුගා ජපානයේ නව අගමැති වෙයි

ජපානයේ නව අගමැතිවරයා ලෙස යෝෂිහිඩේ සුගා තෝරාගෙන තිබේ.

මීට දින කිහිපයකට පෙර ඔහු ජපාන පාළක පක්ෂයේ නායකයා ලෙස තෝරා ගැනිණි.

සෞඛ්‍ය හේතු මත තමා අගමැතිධුරයෙන් ඉවත්වන බව ෂින්ශෝ අබේ අගෝස්තු මාසයේදී පැවසීය.

72 හැවිරිදි වියේ පසුවන සුගා, ඉල්ලා අස්වූ ජපාන අගමැති ෂින්සෝ අබේ ගේ සමීපතමයෙකි.

ඈත පිටිසර අකිටා කලාපයේ හැදුනු වැඩුණු ඔහු, ගොවියෙකුගේ පුතෙකි. පාසල් අධ්‍යාපනය නිමවා ඔහු රැකියාවක් සොයා ජපාන අගනගරය වන ටෝකියෝ වට පැමිණ තිබේ.

පසුව ඔහු විවිධාකාර රැකියා කරමින් දිවි ගෙවා තිබේ. වරක් ඔහු කාඩ් බෝඩ් වැඩපොළක රැකියාවක් කර තිබේ. අධ්‍යාපනයේ වටිනාකම හඳුනාගත් ඔහු, ටෝකියෝ නගරයට පැමිණීමෙන් පසු මුදල්ගෙවා ඉගෙනගත හැකි පෞද්ගලික විශ්වවිද්‍යාලයක ට ඇතුළු වී තිබේ.

එසේම ප්‍රකට සුකිජී මාළු වෙළෙඳපොළේ ද රැකියාවක් කර ඇති අතර ඔහු ඒ ඔස්සේ සිය විශ්වවිද්‍යාල අධ්‍යාපන කටයුතු සඳහා මුදල් ඉතිරි කරගත් බව ඔහු පවසා ඇත.

ඉන්පසු උපාධිය හිමිකරගත්, යොෂිහිඩේ සුගා ස්ථීර රැකියාවක් සොයාගත්ත ද එහි වැඩිකලක් රැඳී සිටීමට අපොහොසත් විය. ඔහුගේ තේරීම වූයේ දේශපාලනයයි.

ප්‍රථමයෙන් යොකෝහාමා නගර සභාවට තරඟ කළේය. නමුත් ඔහු කිසිවෙක් දැන සිටියේ නැත. දේශපාලන අත්දැකීම්ද මඳ විය.

නමුත් දිනයක දී නිවාස 300 බැගින් නිවාස 30,000ක් වෙත පයින්ම ගොස් තමා ගැන නගරවාසීන්ට තොරතුරු කීමට ඔහුට හැකිවිණි.

ඒ හේතුවෙන් ඔහු ගේ සපත්තු කූට්ටම් 6ක් ගෙවී ගිය බව පක්ෂ වාර්තා පෙන්වා දෙයි.

Related posts

ඉරාකයේ මංගල උත්සවයක ඇති වූ ගින්නකින් 100දෙනෙකු මරුට

Admin

වායු කපොල්ලකට හසුවූ ගුවන් මගියෙක් මිය යයි

Admin

ඉස්ලාමීය රාජ්‍ය ත්‍රස්තවාදීන් තවමත් ලෝක තර්ජනයක් – එක්සත් ජනපදය අනතුරු අඟවයි

colombotoday

ප්‍රංශය පරදා ඉන්දියාව ඉදිරියට එයි.. ලෝකයේ ආර්ථික බලවතුන් හයදෙනා මෙන්න

colombotoday

‘මූන්‘ බැස යයි.. UN නව මහ ලේකම් ඇන්ටෝනියෝ ගුටෙරස් !

colombotoday

අලුත් කොරෝනා වෛරස ප්‍රභේදයක් මුගටින්ගේ සිරුරේ | ඩෙන්මාර්ක් මිනිසුන් 12කට දැනටමත් ආසාදනය වෙලා

colombotoday