මූතූර් ප්‍රදේශයේ ගෙංගෙයි පාලම යට ඊයේ (20) දින නාවික හමුදා කිමිදුම් අංශය විසින් සිදු කළ මෙහෙයුමකින් අවි ආයුධ කිහිපයක් සොයා ගෙන ඇත.
මෙම මස 18 සහ 19 යන දෙදින තුල ගෙංගෙයි පාලම යට ධීවර දැල් වල පැටලී බෝර 12 වර්ගයේ ගිනි අවියක් සහ අත් බෝම්බයක් හමුවී ඇති අතර, ඒ සම්බන්ධයෙන් වැඩිදුර සෝදිසි කිරීම සඳහා නාවික හමුදාව ගෙංගෙයි පාලම යට කිමිදුම් මෙහෙයුමක් ක්‍රියාත්මක කරන ලදි.
එම කිමිදුම් මෙහෙයුම මඟින් බෝර තුවක්කු 03 ක්, බෝර තුවක්කු බැරල් 02 ක්, ටී 56 ගිනි අවියක් සමඟ මැගසින් 05 ක්, අත් බෝම්බ 05 ක් සහ මිමි 7.62 x 39 පතොරම් 203 ක් සොයා ගැනීමට සමත්ව ඇත. එම අවි ආයුධ සම්බන්ධයෙන් ඉදිරි පරීක්‍ෂණ කටයුතු සඳහා මූතූර්, පොලිසිය වෙත භාර දිමට කටයුතු කරන ඇත.