Colombo Today Local News

බුදුරජාණන් වහන්සේට අපහාස කිරීම සම්බන්ධයෙන් අබ්දුල් රාසික් ඇතුළු පිරිස පිළිබඳව නීතිපතිගේ උපදෙස් ඉල්ලයි

බුදුරජාණන් වහන්සේට අපහාසයක් සිදු කළේ යැයි සැකපිට අධිකරණයට ඉදිරිපත් කර සිටින ශ්‍රී ලංකා තව්හිද් ජමාත් සංවිධානයේ ලේකම් අබ්දුල් රාසික් ඇතුළු එම සංවිධානය ක්‍රියාකාරින් 06 දෙනෙකු සම්බන්ධයෙන් ගත යුතු නීතිමය ක්‍රියාමාර්ගය පිළිබඳව නීතිපතිවරයාගෙන් උපදෙස් විමසා ඇතැයි කොළඹ අපරාධ කොට්ඨාසය අධිකරණයට දන්වා සිටියි.

එම පැමිණිල්ල අද (03)දින කොළඹ ප්‍රධාන මහේස්ත්‍රාත් ලංකා ජයරත්න මෙනවිය කැඳවනු ලැබූ අවස්ථාවේ දී ඇප මත මුදා හැර සිටින අබ්දුල් රාසික් ඇතුළු සැකකරුවන් අධිකරණය හමුවේ පෙනී සිටියේය.

එහි දී කොළඹ අපරාධ කොට්ඨාසය අධිකරණයට දන්වා සිටියේ, මෙම සිද්ධිය සම්බන්ධයෙන් සිදුකළ පරීක්ෂණ වාර්තා උපදෙස් ලබා ගැනීම සඳහා නීතිපතිවරයා වෙත යොමුකර ඇති බවයි.

නිතිපති උපදෙස් මෙතෙක් ලැබී නොමැති බව ද එම කොට්ඨාසය අධිකරණය දන්වා සිටියේය.

ඒ අනුව පැමිණිල්ල නැවත නොවැම්බර් මස 27 වනදා කැඳවීමට නියම කළ කොළඹ ප්‍රධාන මහේස්ත්‍රාත් ලංකා ජයරත්න මෙනවිය නීතිපති උපදෙස් සම්බන්ධයෙන් නීතිපති දෙපාර්තමේන්තුව වෙත සිහිකැඳවීමක් යොමු කිරීමටද නියම කළේය.

2014 වසරේ මාලිගාවත්ත ප්‍රදේශයේ පැවති රැස්වීමක දී අදහස් දැක් වූ ශ්‍රී ලංකා තව්හිද් ජමාත් සංවිධානයේ ලේකම් අබ්දුල් රාසික් මහතා “බුදුරජාණන් වහන්සේට” අපහාසාත්මක වන ආකාරයෙන් ප්‍රකාශ සිදු කළේ යැයි චෝදනා කරමින් ලංකා දණ්ඩ නීති සංග්‍රහය යටතේ මෙම පැමිණිල්ල ඉදිරිපත් කර තිබේ.

බොදු බල සේනා සංවිධානයේ හිමිවරුන් පිරිසක් විසින් පොලීසියට කළ පැමිණිල්ලක් මත කළ විමර්ශනයකින් අනතුරුව පොලීසිය විසින් මෙම නඩුව ගොනු කර තිබේ.

Related posts

ආගමික ස්ථානවල සූර්ය පැනල සවිකිරීම අරඹයි

Admin

ජනපති යළි එයි… හදිසි නීතිය අවසන්… ගැසට් නිවේදනය නිකුත් කෙරේ

colombotoday

“අපි හදපු අලුත් ව්‍යවස්ථාව ෆෙඩරල් ක්‍රමයටත් එහා ගිය එකක්“ – රනිල් එලවූ නිසා ගේන්න බැරිවූ ව්‍යවස්ථාව ගැන සුමන්තිිරන් කියයි

colombotoday

සමාව ගන්නනම් බෑ, වගකීම බාරගන්නම් – JVP පුවත හේතුවෙන් දිවයින මාධ්‍යවේදියා ඉල්ලා අස්වෙයි

colombotoday

විල්පත්තුවේ ගිනි පත්තුවෙද්දී බදියුදීන්ගේ ගෝලබාලයෝ නැවතත් කරළියට…

colombotoday

ජාතිවාදයේ ගිනිදැල් නැගේ… “නැගිටිව් දමිළයිනි.. සිංහල බෞද්ධ උතුරට එපා“ යාපනේ විරෝධතා !

colombotoday